ıAsaýı kesenesi aýmaǵyna shetel azamattary úshin kirý bıletteriniń baǵasy ósti
TÚRKІSTAN. KAZINFORM — Túrkistandaǵy Qoja Ahmet ıAsaýı kesenesi aýmaǵyna shetel azamattary úshin kirý aqysy 10 maýsymnan bastap ózgerdi.
«Áziret Sultan» ulttyq tarıhı-mádenı mýzeı-qoryǵynyń málimetinshe, kirý aqysynyń jańa mólsheri Mádenıet jáne aqparat mınıstrligi bekitken baǵalar tizbesine sáıkes engizilgen.
— 2026 jylǵy 10 maýsymnan bastap Qoja Ahmet ıAsaýı kesenesiniń aýmaǵyna, ıAsaýı mýzeıi men Sırek jádigerler zalyna kirý bıletteriniń quny alys shetel azamattary úshin 5000 teńge, jaqyn shetel (TMD) azamattary úshin 2000 teńge bolyp belgilendi, — delingen resmı habarlamada.
Buǵan deıin shetel azamattary úshin bılet baǵasy 2000 teńge, TMD elderi azamattary úshin 1500 teńge bolǵan.
Al Qazaqstan azamattary úshin bılet quny ózgerissiz qaldy. Atap aıtqanda eresekter úshin kirý aqysy — 1000 teńge, stýdentter men zeınetkerler úshin — 500 teńge, mektep oqýshylary úshin — 300 teńge.
Sonymen qatar bıyldan bastap birqatar sanattaǵy azamattarǵa tegin kirý múmkindigi qarastyrylǵan.
Olardyń qatarynda I jáne II toptaǵy múgedektigi bar jandar men bala kezinen múgedektigi bar azamattar (bir erip júrýshisimen), Ekinshi dúnıejúzilik soǵystyń ardagerleri men olarǵa teńestirilgen tulǵalar, Aýǵan soǵysynyń ardagerleri, «Altyn alqa» jáne «Kúmis alqa» ıegeri kópbalaly analar, mektep oqýshylary tobyn bastap kelgen bir muǵalim, týrıstik toptyń bir gıdi, sondaı-aq mektep jasyna deıingi balalar bar.
Budan bólek mektep oqýshylaryna jazǵy jáne toqsandyq demalys kezeńderinde kesene aýmaǵyna kirý tegin.
Buǵan deıin ıAsaýı kesenesiniń kúmbezindegi jaǵdaıǵa baılanysty mınıstrlik túsinikteme bergen bolatyn.
