ıAsaýı hıkmetteriniń 100-den astam qoljazba nusqasy jarııalanady

ShYMKENT. QazAqparat  -  Ońtústik Qazaqstan oblysynda Qoja Ahmet ıAsaýıdiń 100-den astam qoljazba nusqasy jarııalanatyn bolady. Bul týraly aımaq basshysy Janseıit Túımebaev kezekti eseptik jıynda málimdedi, dep habarlaıdy  QazAqparat tilshisi.

Oblys ákiminiń aıtýynsha, bıyl Qoja Ahmet ıAsaýı murasynyń XVI-ǵasyrda kóshirilgen hıkmetteriniń 100-den astam qoljazba nusqasyn  jarııalaý arqyly túrki dúnıesiniń rýhanı tutastyǵyn qamtamasyz etý kózdelip otyr.

«Aǵymdaǵy jyly oblysta «Qymyzmuryndyq», «Qaýyn fest», «Agro fest», «Aqsý-Jabaǵylynyń alqyzyl qyzǵaldaǵy», «Týǵan jerge taǵzym» taqyryptarynda dástúrli túrde ótetin erekshe jobalar qolǵa alynady. Olardyń qatary Shardara aýdanynyń týrıstik áleýetin kóterý maqsatyndaǵy týrıstik forým jáne «Safari Shardara» is-sharalary men Saryaǵashta golften «Open Saryagash» jarysymen jalǵasatyn bolady»,- dedi Janseıit Qanseıituly.

Oblys ákiminiń sózinshe,  ıÝNESKO-nyń  «Uly Jibek joly eskertkishteri» nomınatsııasy boıynsha óńirde 8 eskertkish bar. Olar - Saýran, Túrkistan, Sıdaq, Qaraspan, Jýantóbe, Kúltóbe, Otyrar, Bórjar eskertkishteri. «Kóne Túrkistan» tujyrymdamasy 3 kezeńde júzege asyrylatyn bolady. Al, Ordabasy taýynda úsh bıge monýment ornatylsa, «Qazyǵurt taýy» jobasynyń tujyrymdamasy daıyndalý ústinde. Bul eki taýda týrıstik ınfraqurylymdar qarastyrylyp, sondaı-aq kıeli, qasıetti oryndardy aıaqasty etpeý jaqtary  eskerilip otyr.

Aımaq basshysy sondaı-aq eseptik jıynda Otyrar qalashyǵy men Arystanbab kesenesin baılanystyratyn ejelgi joldy qaıta jańǵyrtyp, onyń boıynda ulttyq qolónershilerdiń sheberhanalary boı túzeıdi dep aldaǵy josparlarmen bólisti.