ıAsaýı hıkmetteri tuńǵysh ret mýzyka tilimen oryndaldy
ASTANA. QazAqparat -Astanada tuńǵysh ret Qoja Ahmet ıAsaýıdiń hıkmetterine qalam tartqan elge belgili aǵaıyndy kompozıtorlar Serikjan jáne Álibı Ábdinurovtardyń «Áziret qonǵan Túrkistan" kontserti ótti. Bul týraly QazAqparat «Áziret Sultan» qoryq-mýzeıiniń baspasóz qyzmetine silteme jasap habarlaıdy.
Kontsertke Astana qalasy memlekettik fılarmonııasynyń akademııalyq sımfonııalyq orkestri, kameralyq hory, jeke oryndaýshylar jáne Pavlodar qalasynan arnaıy kelgen vokaldyq kvıntet (ánshiler toby) qatysty.
«Hıkmetter» sımfonııalyq dastany uly babamyzdyń «Dıýanı hıkmet» kitabyn oqý barysynda týǵan tolǵanystarda jáne «Máńgilik» daýys pen sımfonııalyq orkestrge arnalǵan shyǵarmada sazger ıAsaýı iliminiń rýhanı mańyzdylyǵyna, tereńdigine kóńil bólingen.
Qazaqstanda alǵashqy ret kásibı mýzyka tilimen hıkmetterdi nasıhattaıtyn shyǵarmashylyq kesh - Qoja Ahmet ıAsaýıdiń sońynda qalǵan telegeı-teńiz rýhanı murasyn jańǵyrtýdy maqsat tutqan.
«Tórtkúl dúnıeniń bas ıip, rýhanı ortalyǵyna aınalǵan Túrkistannyń qadiri men qasıeti barlyq urpaqty oılandyrmaı qoımasy anyq. Búgingi kesh kompozıtorlyq jolymyzdaǵy eń erekshe, ózindik orny bıik shyǵarmashylyqtyń jemisi dep oılaımyn»,-deıdi Serikjan Ábdinurov.
Keshte Q.A. ıAsaýıdiń hıkmetterine jazylǵan kóptegen shyǵarmalar oryndaldy. Olardyń qatarynda dástúrli ánshilerdiń - «Eı, sopy», «Rasýldyń rızalyǵy», Pavlodar qalasynan kelgen vokaldyq kvıntettiń - «Salaýat», «Ash, eı momyn kózińdi» shyǵarmalary, qylqobyzben - «Dıýanı hıkmet», baıanmen - «Arystanbab», «Abyz», skrıpka aspaptarymen - «Kúı-tolǵaý», daýys jáne orkestrmen - «Ýa, jaratqan», «Máńgilik», orkestrmen - «Súıinshi», «Balbal», daýys, fleıta jáne hormen - «ıAssy», sımfonııalyq dastan - «Hıkmetter», aqyn jáne sımfonııalyq orkestrmen - «Qoja Ahmet ıAssaýı» shyǵarmalary bar.
