ıAsaýı atyndaǵy Halyqaralyq qazaq-túrik ýnıversıteti 25 jyldyǵyn atap ótti
Sondaı-aq 30 sáýir kúni JOO-da jyl saıyn Ýnıversıtet kúni toılanady.
"Túrkistan shaharynyń Túrki áleminiń mádenı astanasy atanǵan jylyna tuspa-tus kelip otyrǵan sharaǵa jyldaǵy dástúr boıynsha túlekter arnaıy qatysty. 1997 jyly oqý bitirgen eki júzge jýyq túlek TMD-nyń túkpir-túkpirinen jınaldy.
Kezdesý keshiniń ashylý saltanatynda ýnıversıtet prezıdenti, professor Ý.Ábdibekov, vıtse-prezıdent, professor M.Eren túlekterdi quttyqtap, «25 jyl» mereıtoılyq medalin tabystady", - dep atap ótti JOO-nyń baspasóz qyzmetinen.
Qoja Ahmet ıAsaýı atyndaǵy Halyqaralyq qazaq-túrik ýnıversıteti Qazaqstanda eń alǵash ashylǵan (1991 jyldyń 6 maýsymy) halyqaralyq joǵary oqý orny jáne túrkitildes memleketter arasynda halyqaralyq mártebege ıe bolǵan jalǵyz bilim jáne ǵylym ordasy. Munda álemniń 32 elinen kelgen jastar bilim alady.
1992 jyldyń 1 mamyry kúni Qazaqstan Respýblıkasynyń Prezıdenti Nursultan Nazarbaev pen Túrkııa Respýblıkasynyń sol kezdegi premer-mınıstri Súleımen Demırel Qoja Ahmet ıAsaýı atyndaǵy Túrkistan Memlekettik ýnıversıtetin Qoja Ahmet ıAsaýı atyndaǵy Halyqaralyq qazaq-túrik ýnıversıteti etip qaıta qurý týraly kommıýnıkege qol qoıdy. Qazaq-túrik baýyrlastyǵynyń dánekerine aınalǵan qujatqa búginde - 25 jyl.
Ýnıversıtette qazirgi tańda barlyǵy 10 myńǵa jýyq stýdent qazaq, túrik, orys jáne aǵylshyn tilderinde bilim alady, 54 bakalavrıat, 30 magıstratýra jáne 11 doktorantýra baǵdarlamasy boıynsha joǵary bilimdi kásibı mamandar daıyndalady. Ýnıversıtette 22 bilim berý baǵdarlamasy boıynsha qashyqtyqtan bilim berý tehnologııasy júzege asyrylady. Túrkııanyń Ankara qalasynda ornalasqan qashyqtyqtan bilim berý ortalyǵynda TúrTEP baǵdarlamasy aıasynda 11 mamandyq boıynsha 4 myńǵa jýyq stýdent bilim alady.
