ıAroslavl túbinde bolǵan áýe apatynda «Lokomotıv» hokkeı komandasynyń oıynshylary qaza boldy
ASTANA. 7 qyrkúıek. QazAqparat - ıAroslavl túbinde ıAk-42 ushaǵy apatqa ushyrap, onyń ishinde bolǵan «Lokomotıv» hokkeı komandasynyń oıynshylary tolyǵymen derlik qaza boldy,
dep habarlaıdy Life News.
«Hokkeı komandasy ıAk-42 ushaǵymen Mınskige ushyp shyqqan bolatyn. Qaıǵyly apatta tek bir adam ǵana tiri qaldy», - dep habarlady quqyq qorǵaý organdarynan.
Portal málimetteri boıynsha, ushaq ekrannan Máskeý ýaqyty boıynsha saǵat 15.50 shamasynda joǵalyp ketken. Keıin belgili bolǵandaı, bort bar bolǵany 5000 metrge ǵana kóterilip, birden jerge qulaǵan.
Laınerdiń qaldyqtary Týnoshna áýejaıyna jaqyn 4 shaqyrym jerde, Volga ózeniniń jaǵasynan tabyldy. Ushaqtyń tumsyǵy sýǵa batyp ketipti. Soǵan qaraǵanda ushqyshtar jerge qulap bara jatqan ushaqty sýǵa qondyrmaq bolǵan.
«Ushaq bortynda barlyǵy 37 adam boldy. Ekıpaj músheleri, jolaýshylar, hokkeıshiler, dárigerler, qyzmet kórsetýshiler», - dedi derek kózi
