ıAroslava Shvedova reseılik Elena Vesnınaǵa qaıta ese jiberdi
ALMATY. 8 qańtar. QazAqparat - Qazaqstandyq tennısshi ıAroslava Shvedova Avstralııanyń Hobart qalasyndaǵy Demeın tennıs-ortalyǵynda ótip jatqan halyqaralyq týrnırdiń shırek fınalyna shyǵa almady.
Shvedova Keshe ótken birinshi aınalymda ıspanııalyq Lýrdes Domınges-Lınodan 6:4, 6:1 esebimen basym túsken bolatyn. Búgin, shırek fınaldyq joldama sarapqa salynǵan ekinshi aınalymda reseılik Elena Vesnınadan alǵashqy sette 6:4 esebimen basym túskenimen, odan keıingi 2 sette 2;6, 1:6 esebimen jeńilis tapty. Sonyń nátıjesinde júlde qory 235 myń AQSh dollaryn quraıtyn bul jarysta ıA.Shvedova reıtıngtik qorjynyna 30 upaı qosyp, 3 100 dollar syıaqy aldy.
ıAroslavanyń jolyn buǵan deıin 31 jeltoqsan men 5 qańtar aralyǵynda Jańa Zelandııanyń Okleand qalasyndaǵy Eı-Es-Bı tennıs-ortalyǵynda ótken týrnırde de Elena kesken bolatyn. Onda qazaqstandyq tennısshi birinshi aınalymda ıspanııalyq Lara Arrýbarrena-Vesınodan 6:3, 6:2 esebimen basym túsken. Al ekinshi aınalymda reseılik sportshyǵa 2:6, 3:6 esebimen ese jiberip, 30 reıtıngtik upaı men 3 100 dollardy qanaǵat tutqan edi.
