ıAroslava Shvedova: Olımpıadaǵa qatysyp, el namysyn qorǵaý – zor mártebe

NUR-SULTAN. QazAqparat – Tennısten Qazaqstan áıelder quramasynyń kapıtany ıAroslava Shvedova Tokıo Olımpıadasy qarsańynda óz oı-tolǵamymen bólisti, dep habarlaıdy QazAqparat tilshisi.

Qazaqstan tennıs federatsııasy málim etkenindeı, bul ıA.Shvedovanyń sporttyq jolyndaǵy úshinshi Olımpıadasy bolmaq.

ıAroslava Shvedova Olımpıadaǵa qatysyp, el namysyn qorǵaý zor mártebe ekendigin, qazirgi kezde oǵan qyzý daıyndalyp jatqanyn jetkizdi.

«Olımpıadany «Úlken dýlyǵa» týrnırlerimen salystyrýǵa bolmaıdy. Óıtkeni bul dúnıejúzilik doda tórt jylda bir ret ótedi. Oǵan irikteýden ótýdiń ózi qıyn. «Úlken dýlyǵa» jarystarynda ár sportshy ózi úshin, al Olımpıadada eli úshin synǵa túsedi. Sondyqtan jaýapkershilik aýqymy da úlken. Halyq úshin, Qazaqstan olımpıadalyq quramasy úshin jarys alańyna shyǵý ońaı emes. Mine, osy eldik namys bizdi alǵa jeteleıdi, júlde úshin kúresýge yntalandyrady.

Qazaqstan týy astynda dodaǵa túsken saıyn erekshe sezimge bólenesiń, tek jeńý ǵana oıyńda turady», dedi ıA.Shvedova.

Eske sala keteıik, budan buryn Elena Rybakınanyń Tokıoda tabysty óner kórsetýge baryn salatynyn, qazaqstandyq tennısshiniń Germanııadaǵy týrnırdiń shırek fınalyna shyqqanyn jazǵan bolatynbyz.