ıAroslava Shvedova: Qazaqstan quramasynyń álem chempıonatyna joldama alǵany – zor qýanysh
- ıAroslava, Qazaqstan áıelder quramasy osymen óz tarıhynda ekinshi ret komandalyq álem chempıonatyna joldama alyp otyr...
- Iá, bul – biz úshin zor qýanysh bolyp otyr. Ótken jyly da qyzdar osyndaı nátıjege qol jetkizgen edi. El namysyn qorǵaǵan oıynshylardyń bárine de alǵysymdy aıtamyn. Sonyń ishinde qurama kóshbasshysy Elena Rybakına alys joldan kelip, sharshaǵanyna qaramastan, eki oıynynda da jeńiske qol jetkizdi.
- Elenaǵa qosa, ıÝlııa Pýtıntseva da álemniń 19-raketkasy Magda Lınetti utyp, óz úlesin qosty. Degenmen, esep 3:0 bolyp, match taǵdyry sheshilgennen keıin qazaqstandyq jastar Gózal Aınıtdınova men Janel Rústemova kortqa shyqpaǵanyna jankúıerler alańdaýshylyq bildirip otyr, munyń syry nede?
- Jekeleı synda Veronıka Falkovskamen báseke bolmaıtyndyqtan, ıÝlııa kortqa shyqqysy keldi. Al, Anna Danılına – juptyq syndaǵy kóshbasshymyz. Olar ózara bir-birimen úılesip, matchtan tájirıbe alý úshin shyǵardyq. Oǵan qosa, ekeýi de – deńgeıi joǵary oıynshy, kórermen úshin de qyzyqty edi.
Sáýir aıyndaǵy sýyq aýa raıyna qaramastan, halyq kóp jınaldy. Olardyń da kókeıinen shyǵý kerek. Men qar men boranǵa qaramastan, kelip, qoldaý bildirgen jankúıerdiń bárine rızashylyǵymdy bildiremin.
- Bıllı Djın Kıng kýbogynyń fınaldyq kezeńi 7-12 qarashada ótedi eken. Ázirge qaı jerde ótetini belgisiz. Bıyl Qazaqstan quramasy komandalyq álem chempıonatynda bas júlde úshin talasa ala ma?
- Árıne, biz talasa alamyz. Talasyp qana qoımaı, jeńiske jetýden úmittimiz. El namysy úshin synǵa túskende, keıde erekshe jigerlenip, eresen kúsh-qýat qosylǵandaı bolady. Sonda kez kelgen qarsylasty jeńip ketýiń múmkin. Árıne, qaı komanda da jeńgisi keledi, bárinde de múmkindik bolady, degenmen bizde múmkindik kóbirek bolsa deımin (kúledi).
- ıAroslava, áńgimeńe rahmet, aldaǵy jarystarda quramaǵa tek sáttilik tileımiz.
Aıta ketsek, Qazaqstan tennıs federatsııasynyń prezıdenti Bolat Ótemuratov ta ulttyq qurama men barlyq qazaqstandyqtardy jeńispen quttyqtady.
«Bizdiń ulttyq quramany Bıllı Djın Kıng kýbogy irikteý kezeńi aıasynda Astanadaǵy jeńisimen jáne álem chempıonatynyń fınaldyq kezeńine shyǵýymen quttyqtaımyn. Tartysty básekede Polsha komandasyn utqan Qazaqstan quramasy óziniń joǵary deńgeıin taǵy bir márte kórsetti. Álemniń úzdik ondyǵyna enetin kúshti komandalardyń biri ekendigin dáleldedi. Juldyzdy oıynshylar Elena Rybakına, ıÝlııa Pýtıntseva jáne Anna Danılınamen birge Qazaqstan quramasy sapynda jastar Janel Rústemova men Arýjan Saǵyndyqova, sondaı-aq tájirıbeli Gózal Aınıtdınova ózderin kórsetti. Men jeńispen taǵy da quttyqtap, sportshylarymyzǵa aldaǵy álem chempıonatynda budan bylaı da sátti óner kórsetýlerine tilektestik bildiremin», - dedi ol.
QTF prezıdenti Qazaqstan quramasynyń barlyq jankúıerine rızashylyq bildirdi – eresektermen qatar elimizdiń túrli óńirlerinen Astanaǵa kelgen, tennıspen aınalysatyn 500-deı bala sportshylarymyzdy qoldady.
Elordadaǵy Qazaqstan - Polsha matchy týraly qyzyqty bes derek:
1. Qazaqstandyqtar ekinshi ret qatarynan álem chempıonaty – Bıllı Djın Kıng kýbogynyń fınaldyq kezeńine shyqty. Ótken jyly ıAroslava Shvedovanyń shákirtteri Shotlandııanyń Glazgo qalasynda álem chempıonatynda toptyq básekede Ulybrıtanııany utyp, Ispanııaǵa jol berdi. Sóıtip, jartylaı fınalǵa qol sozym jerden toqtady.
2. Qazaqstan men Polsha quramasy arasyndaǵy match Beeline Arena topyraq tósenishinde ótti. Bul úshin Serbııadan 120 tonna topyraq arnaıy aldyryldy. Ony mamandardyń tósep, jaıýyna on kún ýaqyt ketti. Hard tósenishi tóselgen tennıs arenasy tarıhynda munda tek úsh ret: 2013, 2022 jáne 2023 jyldary topyraq tóseldi.
3. Ulttyq quramalar arasynda jańartylǵan álemdik reıtıngide Qazaqstan komandasy 9-orynda keledi.
4. 2014 jyldan beri quramada oınaıtyn ıÝlııa Pýtıntseva Magda Lınetpen matchta 18-shi jeńisine qol jetkizdi. Bul – Qazaqstan quramasy tarıhyndaǵy jekeleı syndaǵy eń úzdik kórsetkish. ıAroslava Shvedova men Zarına Dııastyń enshisinde 14 jeńisten bar.
5. Álemniń 7-raketkasy Elena Rybakına Qazaqstan tarıhynda quramada álemdik reıtıngide úzdik ondyqqa enetin oıynshy retinde alǵash ret óner kórsetti.
Eske sala keteıik, budan buryn tennısten Polshamen matchta ıÝlııa Pýtıntsevanyń Qazaqstandy alǵa shyǵarǵanyn jazǵan edik.
Sondaı-aq, Qazaqstan - Polsha matchynda Elena Rybakına esepti 2:0-ge jetkizdi.
Elena Rybakına bıylǵy topyraq tósenishindegi alǵashqy matchtyń ońaıǵa túspegenin aıtty.
Elena Rybakına utqannan keıin álem chempıonatyna joldama qolǵa tıdi.
Elena Rybakına jeńisin barlyq qazaqstandyqtarǵa arnaıtynyn aıtty.
