ıAroslava Shvedova Germanııa tennısshileriniń múmkindigi týraly aıtty
NUR-SULTAN. QazAqparat – 15-16 sáýir kúnderi elordada Germanııamen ótetin match ońaıǵa túspeıdi. Bul týraly baspasóz máslıhatynda Qazaqstan áıelder quramasynyń kapıtany ıAroslava Shvedova málim etti, dep habarlaıdy QazAqparat tilshisi.
Onyń aıtýynsha, Bıllı Djın Kıng kýbogynyń irikteý saıysyna Andrea Petkovıch kelmese de, Germanııa quramy jaqsy jasaqtalǵan.
«Qazirgi kezde daıyndyq qyzý júrip jatyr. Komandada kóńil-kúı jaqsy. Matchty asyǵa kútýdemiz. Bizdiń qurama músheleri jas. Bári de – túrli jarystarda jaqsy óner kórsetip júrgen kásipqoı tennısshiler. Sondyqtan kim tájirıbeli, kimniń tájirıbesi az deıtindeı aıyrmashylyq joq. Báriniń de kúshti jaqtary bar, jetildiretin tustar da joq emes. Komandalyq jarystyń óz erekshelikteri bar. Munda reıtıngige qaramaıdy, kez kelgen tennısshi qarsylasyn uta alady. Germanııanyń birinshi raketkasy myqty, reıtıngi boıynsha ekinshi turǵan tennısshisi de osal emes. Kópten oınap kele jatqan taǵy ekeýi jáne bar. Sondyqtan bárine daıyn bolýymyz kerek», dedi ıAroslava Shvedova.
Eske sala keteıik, budan buryn qazaqstandyq jas tennısshilerdiń álem chempıonatynyń irikteý kezeńin jeńispen bastaǵanyn, Aleksandr Býblıktiń «Úlken dýlyǵanyń» úsh dúrkin chempıonyn utqanyn jazǵan bolatynbyz.
Sondaı-aq Qazaqstan quramasy Germanııamen ótetin matchqa daıyndalyp jatyr.
