ıAnnık Sınner alǵash ret Ýımbldon týrnıriniń chempıony atandy

ASTANA. KAZINFORM — Álemniń 1-raketkasy, ıtalııalyq ıAnnık Sınner Ýımbldon týrnırinde úzdik shyqty.

Italııalyq sportshy fınalda álemniń 2-raketkasy, ótken jylǵy chempıon, ıspanııalyq Karlos Alkaraspen sheberlik baıqasty.

Qarsylastar osyǵan deıin ózara 12 ret kezdesse, sonyń segizinde ıspanııalyq tennısshi jeńgen edi.

Bul joly birinshi partııa K.Alkarastyń enshisinde ketti — 6:4. Biraq osydan keıin ıA.Sınner kambek jasap, jeńiske jete bildi — 6:4, 6:4, 6:4.

Osynyń aldynda Rolan Garros týrnıriniń fınalynda bes setke sozylǵan matchta K.Alkarastan jeńilip qalǵan ıtalııalyq tennısshi ese qaıyrdy. 

Sóıtip 23 jastaǵy ıAnnık Sınner Ýımbldonda alǵash ret jeńimpaz atandy. Bul — onyń kásibı sport jolyndaǵy 20-synshy, «Úlken dýlyǵa» dodalaryndaǵy tórtinshi tıtýly.

Al «Úlken dýlyǵa» týrnırleriniń bes dúrkin chempıony K.Alkaras birinshi ret fınalda jeńilis tapty. Osylaısha, ol ótken jylǵy Ýımbldondaǵy tabysyn qaıtalaı almady.

Eske sala keteıik, budan buryn tennısten Ýımbldon týrnıriniń fınalynda sırek nátıje tirkelgenin jazǵan edik.