Yandex Qazaqstan tehnologııalardyń alǵashqy festıvalin Medeýde ótkizedi
ASTANA. KAZINFORM - 27 maýsym Almatydaǵy Medeý stadıonynda Yandex Qazaqstan Day ótedi. Qatysýshylardy kompanııanyń jańa ónimder ańdatpasy, qolmen ustap kóre alatyn tehnologııalarmen jáne olardy jasaýshy mamandarmen tanysýǵa bolatyn ınteraktıvti aımaqtar kútedi.
Festıval tehnologııalardy unatatyndardyń barlyǵyna jáne de bıznes-qaýymdastyqtarǵa, kreatıvti ındýstrııa ókilderi men ıAndeks Qazaqstan servısterin paıdalanýshylarǵa qyzyqty bolady.
Yandex Qazaqstan Day tilge, bızneske, qalaǵa jáne mádenıetke arnalǵan tórt negizgi trekke bólinedi. Ár trektiń jetekshisi sarapshylar men blogerler bolady, olar ıAndeks spıkerlerimen birge ómirdiń ártúrli salalaryn damytýǵa jańa tehnologııalar qalaı kómektesetini týraly aıtady. Mysaly, til týraly trekti NinetyOne tobynyń múshesi ZaQ ashady, bıznes týraly kásipker ári bloger Ásel Mashanova, al mádenıet týraly rejısser Qanat Beısekeev aıtyp beredi.
Interaktıvti aımaqtarda qonaqtar jetkizýshi robottarmen tanysyp, olardyń lıdarlaryna selfıge túse alady, neırojeliniń kómegimen sýret salyp, ony kórkemsýret kórmesine ornalastyrýǵa bolady, skýterlerde qaýipsiz júrgizý mektebinen ótip, data-ortalyqtyń qandaı ekenin kórip, «aqyldy» kıiz úıge kirip, ony Alısanyń kómegimen qazaq tilinde basqaryp, basqa da ınteraktıvti oıyn-saýyqtarǵa qatysýǵa bolady.
Yandex Qazaqstan Day qatysýshylarynyń barlyǵyna tegin transfer men túski as uıymdastyrylady. Al festıval sońynda qazaqstandyq mýzykanttardyń kontserti ótedi.
Qatysý tegin — saıtta ótinish qaldyryńyz da, shaqyrý hatyn kútińiz. Oryndar sany shekteýli. Festıvalge qatysa almaıtyndar úshin ıAndeks Qazaqstan yandex.kz basty betinde tikeleı translıatsııa ótkizedi.
