ıAndeksti paıdalanýshylar endi aqshany poshta arqyly jibere alady
ASTANA. 22 qarasha. QazAqparat - ıAndeks. Poshtany paıdalanýshylar endi «aqshaly hattardy» jibere alady. Bul týraly Bı-bı-sı habarlady.
Búginde Reseıde ıAndeks. Poshtany paıdalanýshylar sany 27 mıllıonnan asyp túsken kórinedi. Atap aıtqanda, poshtalyq habarlamamen aqshany aýdarý úshin ıAndeks.Poshtada akkaýnt jáne ıAndeks. Aqshada elektrondy ámııan bolýy qajet. ıAǵnı, basqa salymdardy bekitý ustanymy boıynsha osy qyzmet te elektrondy hatqa aqshany bekitýge múmkindik beredi. Aýdarymdy qabyldaýshy qarjyny óziniń jeke elektrondy ámııanyna aýdara alady nemese qarjy somasyn bank kartasyna qaıta baǵyttaý múmkindigin qoldanady. «Aqshaly hattardy» kez kelgen elektrondy mekenjaıǵa jiberýge bolady. Bıylǵy kóktemde osy tektes qyzmetti óziniń paıdalanýshylaryna AQSh-ta amerıkalyq Google kompanııasy usynǵan bolatyn.
