ıAndekste jumys isteıtin 87 myń qazaqstandyq áleýmettik turǵyda qorǵaldy

ASTANA. KAZINFORM – Eńbek jáne halyqty áleýmettik qorǵaý mınıstri Svetlana Jaqypova Úkimet otyrysynda jumyspen qaamtý jáne platformalarda jumys isteıtin azamattardy áleýmettik qorǵaý jumystary týraly baıandady.

− Platformalyq jumyspen qamtýdy retteý sheńberinde ıAndeks platformasynda jumys isteıtin 87 myńǵa jýyq adamnyń qyzmeti men áleýmettik qorǵaý rásimdeldi. Qazir basqa operatorlarmen belsendi jumys júrgizilýde, − dep atap ótti mınıstr.

Onyń aıtýynsha, Memleket basshysy 2029 jylǵa deıin 3,3 mln azamattyń jumysqa ornalasýyn qamtamasyz etýdi tapsyrdy. Búgingi kúni jospar 66,5%-ǵa oryndaldy.

− Óńirlik jumyspen qamtý kartasy sheńberinde 250 myń adam jumysqa ornalastyryldy. Árbir jumysqa ornalasý mindetti zeınetaqy jarnalarymen rastalady. Áleýmettik osal toptaǵy azamattardyń kásipkerlik bastamasyn qoldaý úshin 4,2 myń grant berildi, − dedi S. Jaqypova.

Sonymen birge, Prezıdent eńbek qaýipsizdigin qamtamasyz etý máselesine erekshe nazar aýdarǵan edi. Kásiporyndarmen júrgizilgen jumys nátıjesinde 3 myńnan astam kásiporyn joǵary táýekel aımaǵynan shyǵarylǵan jáne 23 myń jumyskerdiń quqyqtary qorǵalǵan.

Aıta keteıik, jyl basynan beri 4,7 mln adamǵa áleýmettik tólem berildi.