«ıAndeks.Taksı» tarıftiń qymbattaýy týraly úsh kún buryn habarlaýǵa mindetteldi

ASTANA. KAZINFORM – Monopolııaǵa qarsy aýdıttiń nátıjesi boıynsha «ıAndeks.Taksı» kompanııasy Básekelestikti qorǵaý jáne damytý agenttigimen monopolııaǵa qarsy komplaensti saqtaý týraly kelisimge keldi.

Bul týraly agenttik tóraǵasynyń orynbasary Bolat Sámbetov málim etti. Onyń aıtýynsha, qujatqa sáıkes, kompanııa baǵa qalyptastyrýdyń ashyqtyǵyn arttyrý jáne tutynýshylardyń múddesin qorǵaý maqsatynda birqatar mindetti óz erkimen qabyldady. 

- Negizgi sharttardyń biri – jol júrý quny qymbattamaı turyp, keminde úsh kún buryn agenttikti aldyn ala habardar etý mindettemesi. Búginde kompanııa baǵany kótergen joq, tıisinshe, odan eshqandaı habarlama túsken joq. Habardar etý talaby jaqynda ǵana monopolııaǵa qarsy komplaens aıasynda engizildi, biraq zańmen bekitilmegen, – dedi Bolat Sámbetov ortalyq kommýnıkatsııalar qyzmeti alańynda ótken baspasóz máslıhatynda. 

Eske salsaq, 2023 jyly ıAndeks taksıge qatysty ákimshilik quqyq buzýshylyq týraly hattama toltyrylǵan edi. 

Aıta keteıik, byltyr «ıAndeks.Taksı» júrgizýshilerine arnalǵan pılottyq joba iske qosyldy.