ıAndeksGO taksısteri bıometrııalyq júıe arqyly tirkeýge alynady

NUR-SULTAN. QazAqparat – QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın ıAndeksGO qosymshacyn paıdalanatyn azamattardyń qaýipsizdigin nyǵaıtýdyń bir jolyn atady, dep habarlaıdy QazAqparat tilshisi.

«Eńbek jáne halyqty áleýmettik qorǵaý mınıstri Tamara Qasymqyzymen birge «ıAndeks GO» kompanııasynyń bas dırektory Aleksandr Anıkınmen kezdestik. Kezdesýge basqa da mınıstrlikterdiń ókilderi shaqyryldy.

Qazirgi tańda ıAndeks platformasynda 150 myńǵa jýyq adam jumys isteıdi. Kóbine bul kisiler áleýmettik turǵyda qorǵalmaǵan, sebebi olar tirkelgen taksı parkteriniń keıbiri tıisti salyq pen aýdarymdardy tólemeıdi.

Jumyspen qamtamasyz etýdiń platformalyq nusqasy keń taralyp jatqandyqtan, memleket osyndaı platformalar arqyly tabys tabatyn azamattardy qoldaý jaǵyn oılastyrýy kerek», - dep jazdy mınıstr Instagram paraqshasynda.

Vedomstvo basshysy, júrgizýshilerge platformaǵa tikeleı tirkelý múmkindigi usynylǵanyn atap ótken.

«Sonda memleket olardy áleýmettik turǵyda qorǵaı alady. Aıta ketsek, qazir ıAndeks 63 qazaqstandyq taksı parkimen jumys istep otyr. Sondaı-aq, kompanııa basshysymen ıAndeksGO qosymshacyn paıdalaný kezinde azamattardyń qaýipsizdigin birinshi orynǵa qoıý máselesin talqyladyq. Qosymshada tirkelgen júrgizýshilerdi sáıkestendirý jáne olardyń qujattarynyń durystyǵyn tekserý mańyzdy. Ol úshin bıometrııalyq júıeni qoldanýǵa bolady. Bul ne úshin kerek? Máselen, bireýlerdiń júrgizýshi kýáligi joq nemese bógde adamdar arqyly tirkelý oqıǵalary kezdesedi», - deıdi Baǵdat Mýsın.

Foto: instagram.com/bagdatmussin