«ıAndeks» jańalyqtardy robottar jazatyn óz aqparattyq agenttigin ashady
ASTANA. QazAqparat - Qarashada reseılik «ıAndeks» kompanııasy aqparattyq agenttigin ashpaq, onda habarlamalardy kompıýterlik algorıtmder shyǵarady, dep habarlady «Vedomostı» basylymyna «ıAndeks medıa úshin» jobasynyń jetekshisi Marııa Petrova.
Onyń aıtýynsha, aqparattyq agenttik áýeli joldaǵy jaǵdaı jáne aýa raıy týraly avtomatty túrde jasalǵan habarlamalardy jarııalaıdy, sondaı-aq keńinen taralǵan oqıǵalar men taqyryptardyń daıdjestilerin qurastyrady. Bolashaqta taqyryptar aıasy keńeıe túspek.
Málimetter tegin formatta usynylady: telearnalar daıyn grafıkalardy alyp otyrady, radıostansalar - mátindi arnaıy ınterfeısti paıdalanady, al aqparattyq agenttikter, baspa quraldary jáne ınternet-basylymdar habarlamalar taspasyn alatyn bolady.
Taqyryptyq jańalyqtardy jazýdyń avtomattandyrylǵan algorıtminiń tanymal úlgisi - Automated Insights kompanııasynyń Wordsmith platformasy, ony Associated Press agenttigi men Yahoo News servısi paıdalanyp otyr.
