«ıAndeks Taksı» júrgizýshileri salyq tóleıtin boldy
Endigi kezekte barlyq taksı qyzmetteri júrgizýshilerdiń tabysy jóninde salyq organdaryna habar berip otyratyn boldy. Memlekettik kirister departamenti men «ıAndeks Taksı» kompanııasy osyndaı memorandýmǵa qol qoıdy.
Búginde «ıAndeks Taksı» servısi Qazaqstannyń 20 qalasynda jumys istep tur. Salyq organdarynyń málimdeýinshe, byltyr bir aıdyń ishinde bul kompanııa 62 mln ret adam tasymaldaǵan. Bul statıstıka kúnnen kúnge ósip keledi.
«ıAndeks Taksı» servısi qyzmetinde júrip, qosymsha tabys taýyp júrgen jeke júrgizýshiler salyq tóleýge mindetteledi. Alaıda olardyń kópshiligi qazir salyq tóleýden jaltaryp júr. Osyǵan baılanysty basqarma men taksı qyzmetin atqaratyn «ıAndeks Taksı Qazaqstan» kompanııasy ózara ýaǵdalastyqqa keldi.
Memorandýmǵa sáıkes, «ıAndeks Taksı Qazaqstan» barlyq servıs qoldanýshy júrgizýshilerge salyq tóleýdi mindetteıtin bolady. Sonymen qatar, osy servıs arqyly jumys jasaıtyn taksoparkter bıyl 1 aqpannan bastap salyq organdaryna jeke júrgizýshiler jaıly málimet berip otyrmaq.
Salyq kodeksiniń ózgerýi men qosymshasyna baılanysty bıyldan bastap bul salyq tóleýshi kategorııadaǵylar eki tásilmen tólem júrgize alady. Onyń birinshisi - jeke kásipker retinde tirkelý arqyly óz kirisinen 1 paıyz tólep otyrý. Ekinshisi - salyq organdaryna tirkelmeı, aı saıyn barlyq quqyqtyq sharttardy oryndap, biryńǵaı jıyntyq tólemdi tóleý.