«ıAndeks.Taksı» men Uber birigip, jańa kompanııa qurdy
ASTANA. QazAqparat - «ıAndeks.Taksı» men Uber onlaın-tapsyrystardy qabyldaý boıynsha bıznesti biriktirý kelisimin aıaqtady, dep habarlaıdy QazAqparat ıAndeks kompanııasynyń resmı saıtyna silteme jasap.
«7 aqpan kúni ıAndeks pen Uber Reseı men oǵan kórshi elderde onlaın-tapsyrystardy qabyldaý boıynsha bıznesti biriktirý kelisimin aıaqtady. Mámile aıaqtalar sáttegi jaǵdaı boıynsha, Uber men ıAndeks jańa kompanııaǵa sáıkesinshe 225 mln jáne 100 mln AQSh dollar kóleminde ınvestıtsııa quıdy. Atalǵan ınvestıtsııalardy esepke alǵanda, kompanııa balansyndaǵy qarjy qarajaty 400 mln dollardy qurady. Osylaısha, onyń quny 3,8 mlrd AQSh dollaryna baǵalanýda. Jańa kompanııanyń 59,3% - ıAndekske, 36,9% - Uber-ge jáne 3,8% qyzmetkerlerine tıesili», - delingen aqparatta.
Jańa kompanııanyń bas dırektory buǵan deıin ıAndeks.Taksıdi basqarǵan Tıgran Hýdaverdıan boldy.
ıAndeks.Taksı men Uber - paıdalanýshylarǵa burynǵysha qoljetimdi bolady. Onymen bir mezgilde, taksoparkter men júrgizýshiler biryńǵaı tehnologııalyq platformaǵa kóshiriledi.
