ıAndeks kartasynda jaıaý júrginshi baǵdaryn anyqtap beretin servıs paıda boldy
ASTANA. QazAqparat - «ıAndeks. Kartalar» ınternet-servısinde júrginshilerge arnalǵan baǵdarlardy kórsetý múmkindigi paıda boldy, dep habarlaıdy Bı-Bı-Sı agenttigi.
«Qaı tustan, qaıda jerge baratynyńdy jazsań, karta baǵdardy kórsetip, shaqyrymyn naqtylap, jolǵa ketetin ýaqytty belgilep beredi», - delingen ıAndeks blogyndaǵy habarlamada.
Júrý baǵytyn josparlaý kezinde júrginshi joly, soqpaq, «jolaqtar», satylar, ǵımarat qabyrǵalaryndaǵy ótpeler, kólik joldary eskeriledi.
Jaıaý júrginshige arnalǵan baǵdar jasaýshy «ıAndeks. Karta» qosymshasy iOS jáne Android platformalarynda, sondaı-aq veb-nusqada jumys isteıdi. Paıdalanýshylar onda eskerilmegen joldy kartaǵa ózderi qosýyna bolady.
Júrginshi rejimi Reseıde, Ýkraınada, Belarýste, Qazaqstanda jumys isteıdi. Qosymsha jasaı alatyn júrginshi marshrýtynyń uzyndyǵy 50 shaqyrymdy quraıdy.
Budan buryn júrginshi marshrýtyn jasaý múmkindigi Google Maps qosymshasynda paıda bolǵan, alaıda onda marshrýt uzyndyǵy boıynsha shekteýler joq.
