ıAndeks Go mereke kúnderi jol júrýdi qalaı arzandatýǵa bolatynyn aıtyp berdi
ASTANA.KAZINFORM - ıAndeks Go ótken jyly mereke aldyndaǵy kúnderi jáne Jańa jyl túni saparǵa qaı ýaqytta tapsyrys bergende tıimdirek bolǵany týraly aqparatty, sondaı-aq jol aqysyn únemdeýge kómektesetin usynystardy bólisti.
Mereke kúnderi servıstegi tarıfter, ıaǵnı otyrǵyzý quny, 1 shaqyrym men 1 mınýt baǵasy ózgermeıdi. Alaıda suranystyń artýyna baılanysty sapar quny ósýi múmkin. Eger tapsyrys berýshiler sany jelidegi bos júrgizýshiler sanynan kóp bolsa, sapar baǵasy ýaqytsha qymbattaıdy.
Jańa jyl aldyndaǵy kúnder ádette qarbalas ótedi: kópshilik syılyq alyp, sońǵy sharýalaryn aıaqtaýǵa tyrysady. Qazaqstandaǵy 2024 jylǵy servısti paıdalaný týraly derekterge súıene otyryp, ıAndeks Go aldaǵy kúnderi saparǵa qaı ýaqytta yńǵaılyraq ári tıimdi tapsyrys berýge bolatynyn boljady.
31 jeltoqsan jáne Jańa jyl túni
Ótken jyly 31 jeltoqsanda saparǵa tańǵy 9:00-den 12:00-ge deıin tapsyrys berý tıimdi bolǵan. Keıinirek júrgizýshilerdiń bir bóligi otbasymen ýaqyt ótkizýge úlgerý úshin jeliden shyǵa bastaǵan, saldarynan qoljetimdi kólikter sany azaıyp, sapar quny ýaqytsha ósken.
Túngi 12-den 2:00-ge deıin saparǵa suranys artqan, al jelidegi júrgizýshiler sany ádettegiden az bolǵan. Bul ýaqytta sapar baǵasy ósedi. Al 2:00-den 3:30-ǵa deıin suranys ta, baǵa da tómendeıdi.
1 qańtar
1 qańtarda tańǵy 3:00-den 8:30-ǵa deıin kópshilik merekelik sharalar men qonaqtan úıge qaıta bastaǵandyqtan, sapar quny da ósken, kólik kútý ýaqyty da uzara túsken.
Al tańerteń, naqtysy 8:30-dan 11:00-ge deıin sapar baǵasy tıimdirek bolýy múmkin, sebebi júrgizýshiler birtindep jelige orala bastaıdy, al merekelep júrgen halyqtyń basym bóligi úıine qaıtyp úlgeredi. Sonymen qatar bul kúni suranys 14:00-den 16:00-ge deıin jáne 18:00 men 21:30 aralyǵynda da tómendeıdi.
Laıfhaktar: sapar qunyn qalaı tómendetýge bolady
1. Suranys ındıkatoryna nazar aýdaryńyz
Eger jelide bos kólik jetkilikti bolsa, ındıkator jasyl túske boıalady, al sapar baǵasy bazalyq deńgeıde qalady. Suranys artqan jaǵdaıda ındıkator sarǵysh nemese qyzyl túske aýysady, sapar quny da ósedi.
Suranys kúıin túsiný jaǵdaıdy durys baǵalaýǵa kómektesedi: dál qazir kólik shaqyrý kerek pe, sál kúte turǵan durys pa álde qoǵamdyq kólikti tańdaǵan jón be – mine, osyny sheshýge múmkindik beredi.
2. Qosymshadaǵy «Azdap júrý» jáne «Kúte turý» usynystaryn paıdalanyńyz
ıAndeks Go qosymshasy keıde kólikti sál kúte turyp, esesine tómenirek baǵamen jetýdi nemese júrgizýshige yńǵaılyraq otyrǵyzý núktesine deıin birneshe mınýt jaıaý barýdy usynýy múmkin. Mundaı keńes, mysaly, keptelis kezinde nemese aýlaǵa kirý qıyndyq týdyratyn jaǵdaıda paıda bolady. Bul jaǵdaıda jolaýshyǵa sapar arzanyraq túsedi, al júrgizýshi tapsyryssyz júrip qalmaıdy..
3. Saparǵa dál belgili bir saǵatta tapsyrys bermeńiz
Suranys ádette tolyq saǵatqa jaqyn ýaqytta joǵary bolady. Al eger kólikti, mysaly, saǵat bastalýyna 5-20 mınýt qalǵanda shaqyrsańyz, baǵa sál tómen bolýy múmkin. Máselen, 15:00 shamasynda jolǵa shyǵýdy josparlasańyz, 14:40-ta tapsyrys berýdi qarastyrýǵa bolady.
Baǵany ýaqytsha arttyratyn koeffıtsıent – shuǵyl túrde jolǵa shyǵýy kerek adamdar úshin turaqty múmkindik qamtamasyz etetin shara. Sonymen qatar ol júrgizýshilerdi jelige kóbirek tartýǵa kómektesip, suranys pen usynysty teńestiredi. Jelidegi júrgizýshiler sany jetkilikti bolǵan kezde sapar quny qaıtadan qalypty deńgeıge túsedi.
Bul aqparat usynymdyq sıpatta berilgen. Sapar baǵasy men suranystyń naqty dınamıkasy ózgerýi múmkin.