ıAndeks birlesken bıznestegi Uber úlesin tolyqtaı satyp aldy

MÁSKEÝ. TASS-QazAqparat – «ıAndeks» Uber taksı agregatorynyń «ıAndeks Taksı» kompanııalar tobyndaǵy úlesin tolyǵymen satyp aldy. Kelisimniń jalpy somasy $702,5 mln boldy. Bul týraly «ıAndeks» habarlamasynda aıtylǵan, dep habarlaıdy QazAqparat TASS-qa silteme jasap.

«Kelisim nátıjesi boıynsha «ıAndeks» kompanııalar tobynyń jalǵyz ıesine aınalady. Bul kompanııalar tobyna taksıge tapsyrys berý, karsherıng jáne samokattar jalǵa berý qyzmeti kiredi. Taraptar rettegishterdiń qoldaýyna ıe boldy, kelisimniń jalpy somasy - $702,5 mln», - dep málimdedi kompanııadan.

Kompanııadan málim etkendeı, atalǵan ózgerister paıdalanýshylar men seriktester úshin servıster jumysyna áser etpeıdi.

«ıAndeks Taksı» men Uber 2018 jyly Reseı men TMD-nyń birneshe elderinde MLU B.V. birlesken kompanııasyn qurǵan. Birlesken kompanııa jumysynyń basynda «ıAndeks» salǵan ınvestıtsııa - $100 mln, al Uber salǵan qarajat - $225 mln.

2021 jyly «ıAndeks» Uber-den «ıAndeks Eda», «ıAndeks Lavka» jáne «ıAndeks Dostavka» qyzmetterindegi úlesin $1 mlrd-qa satyp aldy.