«ıAndeks. Taksı» tergeýi: Marat Omarov is nemen aıaqtalǵanyn aıtty

ASTANA. KAZINFORM – Básekelestikti qorǵaý jáne damytý agenttiginiń tóraǵasy Marat Omarov «ıAndeks. Taksıge» qatysty tergeýdiń nemen aıaqtalǵanyn málimdedi.

Búginde agenttik pen «ıAndeks» arasynda protsessýaldy kelisim jasalǵan. Onda ózara mindettemeler kórsetilgen. Eger shart buzylǵan jaǵdaıda ony qaıta qarap, tıisti shara qoldanylýy múmkin. Degenmen taksı qyzmetiniń baǵasyna qatysty másele áli de túpkilikti sheshilgen joq.

«Baǵaǵa qatysty másele sol kúıi qalyp otyr. Eger kúrt qymbattaý, normadan 10 ese artý faktisi bolsa, onda biz qaıtadan ony qaraýǵa daıynbyz. Shaǵymdar túsip jatyr. Degenmen sany azaıdy. Másele týyndaǵan jaǵdaıda ony saralaıtyn bolamyz», - dedi Marat Omarov.

Onyń atap ótýinshe, sot talqylaýy barysynda taraptar ymyraǵa kelip, tutynýshylar úshin de, agregat júrgizýshileri úshin de komıssııa alymyn tómendetýge ýaǵdalasqan.