ıAna Legkodımovanyń isin ashqan tergeýshiniń sheni joǵarylady
ASTANA.KAZINFORM - 2024 jyly iz-túzsiz joǵalyp ketken ıAna Legkodımovaǵa qatysty qylmysty ashýdaǵy kásibı eńbegi úshin aýyr qylmystar boıynsha aǵa tergeýshi Temirhan Hajmuratov merziminen buryn polıtsııa maıory shenine kóterildi, dep habarlaıdy Kazinform agenttiginiń tilshisi.
Atyraý oblystyq polıtsııa departamentinde óz mindetin oryndaýda joǵary kásibılik tanytqan jáne aýyr qylmysty tergeýde erekshe kózge túsken qyzmetkerlerdi marapattaý rásimi ótti.
Tergeý departamentiniń erekshe mańyzdy ister boıynsha aǵa tergeýshisi, polıtsııa kapıtany Temirhan Hajmuratovqa tergeý áreketterin sapaly júrgizgeni úshin aǵa qyzmetkerdiń erekshe arnaıy ataǵy berildi.
Polıtsııa podpolkovnıgi Aslan Smaǵul men polıtsııa maıory Naýryzbek Rahmanovqa da Qazaqstan Respýblıkasy Іshki ister mınıstri, polıtsııa general-leıtenanty Erjan Sadenovtiń buıryǵymen «Quqyq tártibin qamtamasyz etýge qosqan úlesi úshin» medali tabystaldy. Polıtsııa maıory Serijan Sábıtov pen polıtsııa kapıtany Gúlfarıda Tólegenovaǵa «Іshki ister organdarynyń úzdigi» tósbelgisi tabystaldy.
Bul marapat ıAna Legkodımovanyń ólimin ashýdaǵy eńbegi úshin berildi.
Qyz 2024 jyly joǵalyp ketken. 18 qazanda ıAna Legkodımova Rızýan Haırjanovpen kezdesý úshin úıinen shyqqan. Tergeý málimetteri boıynsha, olardyń arasynda janjal týyndaǵan. Haırjanov tanysy Altynbek Qatımovty shaqyryp alǵan, sodan keıin qyzdy óltirip, denesin Taldykól aýylynyń mańyndaǵy ózenge tastaǵan.
Kúdiktilerge ómir boıy bas bostandyǵynan aıyrý jazasy taǵaıyndaldy.
Sondaı-aq biz ıAna Legkodımova isindegi aıǵaqtar qalaı tabylǵany týraly tergeýshiden suhbat alǵan edik.