ıAna Legkodımovany óltirgender jazasyn qaı kolonııada ótep jatyr
ASTANA. KAZINFORM – ıAna Legkodımovany asa qatygezdikpen óltirgeni úshin ómir boıyna bas bostandyǵynan aıyrylǵan Altynbek Katımov pen Rızýan Haırjanov «Qara búrkit» kolonııasyna etappen jetkizildi.
Bul týraly Kazinform agenttiginiń tilshisine Іshki ister mınıstrliginiń Qylmystyq-atqarý júıesi komıteti habarlady.
«Atalǵan sottalǵandar ómir boıyna bas bostandyǵynan aıyrylǵandarǵa arnalǵan qylmystyq-atqarý júıesi mekemesinde jazalaryn ótep jatyr», – dep málimdedi QAJK.
Buǵan deıin Atyraý oblystyq Qylmystyq-atqarý júıesi departamenti sottalǵandardyń 19 sáýir kúni tańerteń etappen jóneltilgenin habarlaǵan bolatyn.
Etaptaý aıaqtalǵannan keıin olar ómir boıyna sottalǵandar ustalatyn «Qara búrkit» arnaıy mekemesine jetkizildi.
Eske salsaq, birinshi satydaǵy sot Altynbek Katımov pen Rızýan Haırjanovty aldyn ala sóz baılasyp, erekshe qatygezdikpen kisi óltirgeni úshin kináli dep tanyp, ómir boıyna bas bostandyǵynan aıyrý jazasyn taǵaıyndady. Sondaı-aq jábirlenýshi taraptyń moraldyq shyǵyndy óteý týraly azamattyq talaby ishinara qanaǵattandyryldy.
2026 jyldyń aqpan aıynda sottalǵandar apellıatsııalyq shaǵym túsirgenimen, sot úkimdi ózgerissiz qaldyrdy.
Tergeý málimetine sáıkes, qaıǵyly oqıǵa 2024 jylǵy 18 qazanda bolǵan. ıAna Legkodımova Rızýan Haırjanovpen kezdesýge ketkennen keıin olardyń arasynda janjal týyndaǵan. Keıin Haırjanov tanysy Altynbek Katımovty shaqyryp, ekeýi qyzdy óltirip, máıitin Taldykól aýyly mańyndaǵy ózenge tastaǵan.
Máıit segiz aıǵa sozylǵan izdeý jumystarynan keıin 2025 jyldyń maýsym aıynda Atyraý oblysynda tabylyp, saraptama onyń ıAna Legkodımovaǵa tıesili ekenin rastaǵan.
