ıAna Legkodımovany óltirgender osy aıda «Qara búrkitke» jetkiziledi
ATYRAÝ. KAZINFORM — ıAna Legkodımovany óltirgeni úshin ómir boıyna sottalǵan Rızýan Qaıyrjanov pen Altynbek Katımov sáýir aıynda jazasyn óteý úshin Qostanaı oblysynda ornalasqan «Qara búrkit» túrmesine jiberiledi.
Atyraý oblysy boıynsha Qylmystyq-atqarý júıesi departamentiniń málimetinshe, atalǵan is boıynsha sottalǵandar qazirgi ýaqytta Atyraýdaǵy tergeý ızolıatorynda qamaýda otyr. Sot úkimine sáıkes, olar jazasyn erekshe rejımdegi «Qara búrkit» mekemesinde óteýi tıis.
Resmı aqparatqa saı, Atyraý qalasyna Ulttyq ulannyń arnaıy qaraýyly sáýir aıynyń basynda keledi dep josparlanyp otyr. Osydan keıin sottalǵandar arnaıy tizim boıynsha kezekpen jóneltiledi.
— Atalǵan tulǵalarǵa qatysty Ulttyq ulannyń arnaıy qaraýylyna ótinim ótken aptada joldandy. Qazirgi ýaqytta olardyń jazasyn odan ári óteý úshin kezeń-kezeńimen jóneltý máselesi kútilýde, — dedi departament bastyǵynyń orynbasary Danııar Baıatanov.
Eske sala keteıik, Rızýan Haıyrjanov pen Altynbek Katımovqa qatysty sot úkimi 2025 jyldyń 17 qarashasynda shyqty. Sot olardy jábirlenýshini asa qatygezdikpen óltirgeni úshin kináli dep tanyp, ómir boıyna bas bostandyǵynan aıyrý jazasyn taǵaıyndaǵan.
Aqpan aıynda aıyptylardyń appelıatsııalyq shaǵymy qaraldy. Atyraý oblystyq sotynyń qylmystyq ister jónindegi sot alqasy úkimdi ózgerissiz qaldyrǵan edi.
