ıAna Legkodımovany óltirdi dep aıyptalǵandardyń jazasy qatańdady
ATYRAÝ. KAZINFORM – Atyraý oblysy prokýratýrasy ıAna Legkodımovanyń ólimine qatysty qylmystyq is boıynsha jańa aıyptaý qorytyndysyn bekitti. Bul týraly jábirlenýshi taraptyń advokaty Ajar Ábdil áleýmettik jelidegi paraqshasynda habarlady.
Advokattyń málimetinshe, jańa aıyptaý qorytyndysyna sáıkes, sottalýshylar QR Qylmystyq kodeksiniń 99-baby 2-bóliginiń 7 jáne 8-tarmaqtary, sondaı-aq 202-baptyń 2-bóligi boıynsha aıyptalyp otyr.
– Sot protsesi aıaqtalýǵa jaqyn. 5 qarashada sot jaryssózderi ótedi, - dep jazdy Ajar Ábdil.
QR Qylmystyq kodeksiniń 99-baby – «Adam óltirý» – asa aýyr qylmystar sanatyna jatady. Atalǵan baptyń 2-bóliginiń 7 jáne 8-tarmaqtarynda adamdar tobynyń aldyn ala sóz baılasýymen jasalǵan, sondaı-aq paıdakúnemdik nıetpen, sol sııaqty jaldaý boıynsha ne qaraqshylyqpen nemese qorqytyp alýmen ushtasqan adam óltirý jaǵdaılary qarastyrylǵan. Bul bap boıynsha múlki tárkilenip nemese onsyz, 15 jyldan 20 jylǵa deıingi merzimge bas bostandyǵynan aıyrýǵa ne ómir boıyna bas bostandyǵynan aıyrýǵa jazalanady.
Sonymen qatar 202-bap 2-bóligi – «Bótenniń múlkin qasaqana joıý nemese búldirý» – múliktik zalal keltirgen áreketterge qatysty qoldanylady. Atalǵan bap boıynsha 3 000-7 000 aılyq eseptik kórsetkishke deıingi mólsherde aıyppul salýǵa ne sol mólsherde túzeý jumystaryna ne 3 jyldan 7 jylǵa deıingi merzimge bas bostandyǵyn shekteýge ne sol merzimge bas bostandyǵynan aıyrýǵa jazalanady.
Eske salaıyq, qaıǵyly oqıǵa 2024 jyldyń kúzinde bolǵan. 18 qazanda ıAna Legkodımova úıinen shyǵyp, Rızýan Haırjanovpen kezdesýge ketken. Tergeý dereginshe, olardyń arasynda janjal týyndaǵan. Keıin Haırjanov tanysy Altynbek Katımovty shaqyryp, ekeýi qyzdy óltirip, denesin Taldykól aýyly mańyndaǵy ózenge tastaǵan.
Qyzdyń anasy ony óz betimen izdep, keıin polıtsııaǵa júgingen. Kúdiktiler ustalǵanymen, denesi uzaq ýaqyt tabylmady. Іzdeý jumystary segiz aıǵa sozylyp, 2025 jylǵy maýsymda Atyraýda tabylǵan súıekter saraptama qorytyndysy boıynsha ıAna Legkodımovaǵa tıesili ekeni anyqtaldy.
Іs sotqa jaz aıynda berilgen. Alǵashqy sot otyrysy 17 qyrkúıekte ótti. Qazirgi ýaqytta sot talqylaýy jalǵasyp jatyr.
Buǵan deıin ıAna Legkodımovanyń ólimine qatysty qylmystyq is boıynsha sotta aıyptalýshylardan jaýap alynǵanyn jazǵanbyz.