ıAna Legkodımova isi: sotta aıyptalýshylardan jaýap alyndy

ASTANA. KAZINFORM – 23 jastaǵy ıAna Legkodımovanyń ólimine qatysty qylmystyq is boıynsha sotta aıyptalýshylardan jaýap alyndy. Bir aıyptalýshy kinásin moıyndap, keshirim surasa, ekinshisi jaýap berýden bas tartty. Jábirlenýshi tarap aıyptaýdy qatańdatýdy talap etti.

Sýdıa Zarema Hamıdýllına tóraǵalyq etetin sotta atyshýly qylmystyq is – ıAna Legkodımovanyń ólimi boıynsha tyńdalymdar jalǵasýda. Otyrysta aıyptalýshylar Rızýan Haırjanov pen Altynbek Katımovtan jaýap alyndy.

Haırjanov kinásin moıyndap, ıAnanyń anasy men elden keshirim surady.

– Kinámdi tolyq moıyndaımyn. Galına ıÝrevnadan jáne Qazaqstan halqynyń aldynda keshirim suraımyn. Ne istegenimdi bilemin, – dedi ol.

Aıyptalýshy marqumnyń telefonyn urlamaǵanyn, ony joıǵanyn aıtty. Tergeý derekteri boıynsha, ol aıǵaqtar men hat almasýdy jasyrý úshin osylaı istegen.

Sot zalynda ıAnanyń anasy aıyptalýshydan qyzynyń ne úshin óltirilgenin surady. 

– Men keshirim suradym, biraq ony aıtýǵa da uıalamyn. Basqa qyzben qarym-qatynasymdy aıaqtaǵym kelgen, biraq ıAna ózine qol salýy múmkin dep qoryqtym, – dep jaýap berdi buǵan Haırjanov.

Ol óz áreketin eshteńe aqtaı almaıtynyn moıyndady.

Haırjanov tergeý kezinde bergen aıǵaqtarynan bas tartqandyqtan, sýdıa onyń burynǵy jaýabyn jarııa etti. Hattamaǵa sáıkes, ol Atyraý-Mahambet trassasynda janjal kezinde ıAnany tunshyqtyryp óltirgenin jáne denesin Taldykól ózenine aparyp, sýǵa tastaǵanyn aıtqan. Haırjanov óz áreketin affekt kúıinde jasaǵanyn, qorqyp, jaýapkershilikten qashqanyn túsindirgen.

Ekinshi aıyptalýshy Altynbek Katımov ta suraqtarǵa jaýap berýden bas tartty. Sot onyń tergeý kezindegi aıǵaqtaryn da jarııalady. Onda ol dosynyń aıtqanymen júrgenin jáne bárin ázil dep oılaǵanyn jetkizgen. Katımov oqıǵanyń tragedııamen aıaqtalatynyn kútpegenin, biraq ıAnanyń denesin ózenge aparýǵa kómekteskenin moıyndady.

Tergeý materıaldarynda Katımovtyń telefonynan «Sergek» kameralarynyń jazbalary qansha ýaqyt saqtalatyny jáne kisi óltirý úshin qandaı jaza qarastyrylǵany týraly izdeý suraýlary tabylǵany kórsetilgen. Bul aıǵaqtar da iske tirkelgen.

Sondaı-aq tergeý ıAna men Haırjanov arasyndaǵy hat-habarlardy aıyptalýshynyń ózi óshirgenin anyqtaǵan.

Sot barysynda jábirlenýshi tarap isti uıymdasqan top quramynda jasalǵan, aldyn ala kelisilgen, adam urlaý jáne jasyrý belgilerimen qaıta saralaýdy talap etti. Prokýror isti qazirgi aıyptaý sheńberinde qaraýdy usynǵanymen, sot ótinishterdi keıin qaraýǵa qaldyrdy.

Qazirgi ýaqytta aıyptalýshylarǵa aldyn ala sóz baılasý arqyly adam óltirý, qylmysty jasyrý, qylmysty habarlamaý jáne múlikti urlaý baptary boıynsha aıyp taǵylǵan.

Jábirlenýshi taraptyń advokaty Ajar Abdıl bul qylmys kezdeısoq janjal emes, júıeli sıpattaǵy áreket ekenin aıtty.

– Biz prokýratýraǵa narazylyq joldadyq, sebebi bul isti uıymdasqan top quramynda jasalǵan adam óltirý retinde qaıta saralaý qajet dep esepteımiz. Bul Qylmystyq kodekstiń 262-babyn — «uıymdasqan qylmystyq topqa qatysý» babyn qosýdy bildiredi, – dedi ol.

Advokattyń aıtýynsha, aıypty qaıta saralaý aıyptalýshylardyń jaǵdaıyn aýyrlatqanymen, olarǵa ómir boıy bas bostandyǵynan aıyrý jazasy qoldanylýy múmkin.

– Biz dál osyndaı jazany talap etemiz, óıtkeni bul qylmys maǵynasyz ári erekshe qatygezdikpen jasaldy, – dedi Abdıl.

Onyń aıtýynsha, isti ashýda ıAnanyń jeke kúndeligi mańyzdy ról atqarǵan.

– Tergeý baǵytty dál osy kúndelik arqyly anyqtady. Aıyptalýshylar esh jerde kózge túspegen, al jazbalar kamera jazbalary men hat-habar almasýlarmen qatar basty dálelderdiń biri boldy, – dep túsindirdi ol.

Advokat sonymen qatar moraldyq zııandy óteý týraly azamattyq talap aryz beriletinin rastady.

– Bul zańmen kózdelgen. Somasy qazir naqtylanýda, talap sot protsesi aıaqtalǵan soń usynylady, – dedi Abdıl.

Sot otyrystary jalǵasýda.

Eske sala keteıik, qaıǵyly oqıǵa 2024 jyldyń qazan aıynda bolǵan. 18 qazanda ıAna Legkodımova Rızýan Haırjanovpen kezdesýge ketkennen keıin joǵalyp ketti. Tergeý málimetinshe, janjal kezinde ol Altynbek Katımovpen birge qyzdy óltirip, denesin Taldykól ózenine tastaǵan.

ıAnanyń anasy izdeý jumystaryn óz betimen bastap, polıtsııaǵa júgingen. Eki kúdikti ustalǵanymen, qyzdyń denesi tek segiz aı ótken soń — 2025 jyldyń maýsymynda Atyraý mańynan tabyldy.

Bul isti sot qaraýyna 2025 jyldyń jazynda jibergen. Birinshi tyńdalym 17 qyrkúıekte ótti. 22 qazanda sotta aıyptalýshylar men marqum arasyndaǵy hat-habarlar, 23 qazanda ıAnanyń kúndeligi men jasyryn tergeý derekteri oqyldy. Prokýror bıllıng pen baılanys munaralarynyń derekterin de usyndy.

Qazirgi ýaqytta is boıynsha sot talqylaýy jalǵasyp jatyr.