ıAna Legkodımova isi: Eki aıyptalýshy da ómir boıyna bas bostandyǵynan aıyryldy
ATYRAÝ. KAZINFORM — Atyraýda ıAna Legkodımovanyń ólimine qatysty qylmystyq iske núkte qoıyldy.
Búgin mamandandyrylǵan aýdanaralyq qylmystyq sot aıyptalýshylar Rızýan Qaıyrjanov pen Altynbek Katımovke qatysty úkimin jarııalady.
Sot sheshimimen Qaıyrjanov pen Katımov QR Qylmystyq kodeksiniń 99-baby 2-bóliginiń 7 jáne 8-tarmaqtarynda kózdelgen asa aýyr qylmys jasaǵany úshin kináli dep tanylyp, ómir boıyna bas bostandyǵynan aıyryldy.
— Jaza merzimi olardyń ustalǵan kúni — 2024 jylǵy 22 qazannan bastap esepteledi. QR QK-niń 62-baby 3-bóliginiń 1-tarmaǵyna sáıkes, Qaıyrjanov pen Katımovtyń úkim zańdy kúshine engenge deıin qamaýda bolǵan ýaqyty jazanyń bir kúnine bir kún esebimen tolyqtaı qosylady, — dedi sýdıa.
Sot azamattyq talapty da qarady. Marqumnyń anasy Galına Legkodımovanyń azamattyq talaby ishinara qanaǵattandyrylyp, aıyptalýshylardan materıaldyq shyǵyn retinde 1 955 070 teńge óndiriledi.
Sonymen qatar sottalýshylar Qaıyrjanov pen Katımovten jábirlenýshi Galına Legkodımovanyń paıdasyna árqaısysynan 15 000 000 teńge kóleminde moraldyq ótemaqy óndirý týraly sheshim qabyldandy.
Memleket kirisine sot Qaıyrjanov pen Katımovten 21 517 teńge kóleminde memlekettik bajdy óndirýdi mindettedi.
Aıyptalýshylarǵa sot úkiminiń talaptaryn oryndaý úshin eki aı merzim belgilendi.
Buǵan deıin ótken sot otyrysynda memlekettik aıyptaýshy istiń aýyrlyǵyn, qylmystyń qoǵamǵa qaýiptiligin atap ótip, aıyptalýshylarǵa eń qatań jaza qoldanýdy suraǵan bolatyn. Prokýror eki kúdiktige de ómir boıyna bas bostandyǵynan aıyrý jazasyn taǵaıyndaýdy usynǵan edi.
Sonymen qatar ıAna Legkodımovany óltirdi dep aıyptalǵandardyń jazasy qatańdaǵan edi.