ıAn Nepomnıaşıı men Dın Lıjen shahmat matchynyń 13-shi partııasynda teń tústi

ASTANA. QazAqparat – Astanada álem chempıony ataǵy úshin ıAn Nepomnıaşıı men Dın Lıjen arasynda ótip jatqan shahmat matchynyń 13-shi partııasy aıaqtaldy, dep habarlaıdy QazAqparat tilshisi.

Búgingi kezdesýde qos shahmatshy teń tústi. 13-shi partııa 39 júrispen aıaqtaldy. Ázirge jalpy esep birdeı – 6,5:6,5.

Aıta keteıik, keshe ótken 12-oıynda qytaılyq shahmatshy Dın Lıjen reseılik qarsylasy ıAn Nepomnıaşııden basym tústi.

Álem chempıony ataǵy úshin tartysty básekeniń 14-shi, ıaǵnı sheshýshi partııasy 29 sáýirde ótedi. Eger ol kezde esep teń bolsa, onda shahmatshylar úshin 4 partııadan turatyn taı-breık belgilenedi. Bul kezeńnen keıin de jeńimpaz anyqtalmasa, shahmatshylar blıtste sheberlik baıqasady. Odan ári «aqtyq partııa» bar.

Buryn habarlaǵanymyzdaı, 7 sáýir men 1 mamyr aralyǵynda Astanada shahmattan álem chempıonaty ótýde.