ıAmyshev aýylynda shashylǵan adam súıekteri turǵyndardyń záresin ushyrdy - Pavlodar oblysy
ASTANA. QazAqparat - Pavlodar oblysyndaǵy myńnan astam halqy bar ıAmyshev aýylyndaǵylar jańadan salynyp jatqan qudyq sýyn ishýge seskenip otyr.
300 jyldyq tarıhy bar aýyl turǵyndaryn bir aptadan beri úreı jaýlaǵan. Buǵan eldi meken kósheleriniń birinde tabylǵan adam qańqalary sebep bolyp otyr, dep habarlaıdy pavlodarnews.kz . «Aq bulaq» baǵdarlamasy boıynsha munda sý qubyrlaryn tarta bastaǵan jumysshylar topyraq arasynan adam súıekterin taýyp alǵan. Biraq qazý jumystaryn toqtatpaǵan olar máıitterdiń ústinen qubyrlardy tóseı bergen.
"Ekskavator adam bas súıegin syrtqa laqtyryp jiberdi. Birneshe metr tereńdikten shyqqan súıektiń shashynyń baryn kórgende áıel adamǵa tıesili ekenine kóz jetkizdim. Bala kezimde ákemniń osy mańda eski qorym bar degenine senbeýshi edim. Jumyskerlerge arnaıy mamandardy shaqyrtý kerek dep edim, qulaq aspady", - deıdi ıAmyshev aýylynyń turǵyny Vıtalıı Chıbısov.
Eshkimniń eleń qylmaǵanyn mundaǵy ózge turǵyndar da rastap otyr. Úıiniń túbinde marqumdardyń jatqanyn estigender bolsa, mazalary ábden qashqan. Tipti, arnaıy dinı rásimdi de jasap, súıekter tabylǵan kóshe boıyna sút pen araqty túgel tógip shyqqan. Bul óz kezeginde ólilerdiń tirilerden kek almaýy úshin jasalatyn yrymy eken. Al bıyl aýyz sýǵa jetemiz dep qýanǵan jurt bul jaıttan soń tirshilik nárin ishý túgili turmysta paıdalanýdan qorqyp otyr. Óıtkeni, munda kómilgen adam qańqalarynyń naqty qaı dáýirge tıesili ekenin eshkim bilmeıdi. Dese de, munda shirkeý men eski qorymnyń bolǵanyn estigender joq emes. - Kezinde adamdar tyrysqaq, súzek, qurt aýrýlarynan kóz jumǵan. Bul marqumdardyń sol dertterden ólmegenine kim kepildik bere alady? Esh tekseris júrgizbesten aýyz sý qubyrlaryn solardyń ústinen salyp jatyr. Negizi, bul mańda kazaktardyń bekinis-qamaly bolǵan degendi estýim bar", - deıdi ıAmyshev aýylynyń turǵyny Sergeı Gorodnıchev.
Bul jaǵdaıdan aýyl ákimdigindegiler de qulaǵdar. Jurtty sabyrǵa shaqyrǵan atqaminerler jaqyn arada súıekter túgel zertteledi dep sendirýde. - Arheologtardy tosyp otyrmyz. Olar kelgen soń mynanyń bárin zerttep, jerleý týraly sheshim qabyldaımyz", - deıdi ıAmyshev aýyly turǵyn úı-kommýnaldyq sharýashylyǵy bóliminiń bas mamany Dıas Qurmanálıev. Al arheologtar kelip jetkenshe aýyl ıtteri kómilmeı qalǵan adam súıekterin tasyp, mújip júr. Úreılengen turǵyndar bolsa, arnaıy zertteý júrgizilmeıinshe qudyqtan sý ishpeımiz dep otyr.
