ıAmaıkaǵa gýmanıtarlyq kómek alyp shyqqan ushaq AQSh-ta jeke úıdiń aýlasyna qulady

ASTANA. KAZINFORM — AQSh-ta ıAmaıkaǵa gýmanıtarlyq kómek apara jatqan amerıkalyq ushaq Florıda shtatynda jeke turǵyn úıdiń artqy aýlasyna qulady, dep habarlaıdy The Mirror.

Beechcraft King Air jeńil motorly ushaǵynyń Koral-Sprıngs qalasynda qulaǵan sáti beınebaqylaý kamerasyna túsip qalǵan. Kadrlarda onyń turǵyn úıge soǵyla jazdap, aǵashtar men qorshaýdy buzyp ótkennen keıin kólge qulaǵany, al qaldyqtardyń jerge shashylǵany kórinedi.

Ushaq 7-9 jolaýshyǵa arnalǵan. Basylym jýrnalısteriniń málimetinshe, qutqarýshy súńgýirler qazir kólden pılot pen jolaýshylardy izdep jatyr. Aldyn ala málimet boıynsha, ázirge zardap shekkender týraly aqparat joq.

Aıta ketsek, shaǵyn avıatsııa borty ıAmaıkaǵa «Melıssa» daýyly aıtarlyqtaı zalal keltirgennen keıin gýmanıtarlyq kómekti alyp bara jatqan. Ushaq Fort-Loderdeıl áýejaıynan ushyp shyqqan.

Eske sala ketsek, buǵan deıin Daǵystanda týrısterdi tasymaldaǵan tikushaq apatqa ushyrap, birneshe adam qaza tapqan edi.

Sondaı-aq Ońtústik Qytaı teńizinde AQSh-tyń áskerı tikushaǵy men joıǵysh ushaǵy apatqa ushyrady.