ıAmalda apatqa ushyraǵan tikushaqtyń ushqyshtarynyń biri Qazaqstanda týǵan
ASTANA. QazAqparat-Keshe keshke ıAmal-Nenetsk aımaǵynda apatqa ushyraǵan Mı-8 tikushaǵynyń úsh ushqyshynyń biri - Vıtalıı Provalnyı Aqmola oblysy Arshaly aýdany Jibek joly kentiniń týmasy, habarlaıdy QazAqparat.
47 jastaǵy Vıtalııdiń artynda áıeli men eki balasy qaldy.
Vıtalıı Provalnyı kásibı bilim alǵannan keıin Saratov oblysy Pýgachev áskerı ýchılışesinde nusqaýshy bolyp jumys istedi. Bul týraly «360» telearnasy habarlady.
«Ol buryn áskerı ushqysh bolǵan. Onymen Sheshenstanda birge boldyq. Vıtalıı óte tájirıbeli bolatyn, ýchılışeden keıin Pýgachev qalasynda nusqaýshy bolyp istedi. Kýrsanttardy oqytty. Qazir azamattyq avıatsııada munaı men gazǵa qatysty salada jumys isteıtinin bilemin. Ol birinshi synypty ushqysh. Maıor bolǵan. Qazir qandaı ataǵy baryn bilmeımin», - dedi telearnaǵa Igordyń dosy.
Onyń aıtýynsha, 47 jastaǵy Vıtalıı Provalnyı Qazaqstanda týǵan. Syzran joǵary áskerı avıatsııalyq ýchılışesin bitirgen.
Reseı Tergeý komıtetiniń aqparatyna sáıkes, keshe, saǵat 19.00-den 20.00-ge deıin Pýrovsk aýdanynda «MI+-8» tikushaǵy apatqa ushyrady. Bortta 22 adam bolǵan, onyń 3-ýi ekıpaj múshesi. TJM derekterine sáıkes, apat saldarynan 19 adam qaza tapty. Taǵy úsh adam zardap shekti. Olar aýyr jaǵdaıda Ýrengaı kentiniń aýrýhanasyna jetkizildi.
Reseı Tergeý komıteti apattyń úsh negizgi sebebin qarastyrýda: qaýipsizdik qaǵıdasyn buzý, tehnıkanyń isten shyǵýy, qolaısyz aýa raıy.
