ıAmal men Holand 220 mln eýromen álemdegi eń qymbat fýtbolshy atandy
ASTANA. KAZINFORM — 2026 jylǵy fýtboldan álem chempıonatynan keıin Ispanııa quramasynyń oıynshysy Lamın ıAmal men Norvegııa quramasynyń shabýylshysy Erlıng Holandtyń naryqtyq quny rekordtyq kórsetkishke — 220 mıllıon eýroǵa jetti. Bul týraly Transfermarkt portaly habarlady.
2026 jylǵy álem chempıonatynan keıin eki fýtbolshynyń transferlik naryqtaǵy quny rekordtyq deńgeıge jetti
ıAmal men Holandtyń transferlik baǵasy árqaısysynda 20 mıllıon eýroǵa ósip, qazirgi tańda olardyń quny 220 mıllıon eýro dep baǵalanyp otyr.
Osylaısha, fýtbolshylar jańa rekord ornatyp, álemdegi eń qymbat oıynshylar atandy. Úshinshi orynda Frantsııa quramasynyń shabýylshysy Kılıan Mbappe tur, onyń naryqtyq baǵasy — 200 mıllıon eýro.
Týrnır barysynda 100 mıllıon eýrolyq mejeden ıspanııalyq Paý Kýbarsı, argentınalyq Entso Fernandes, sondaı-aq Anglııa quramasynyń oıynshylary Ellıott Anderson men Morgan Rodjers asty. Olardyń árqaısysynyń quny 110 mıllıon eýroǵa jetti.
Chempıonattan keıin eń kóp qymbattaǵan fýtbolshy — Ellıott Anderson boldy. Onyń transferlik quny 35 mıllıon eýroǵa ósti. Odan keıin Anglııa quramasynyń oıynshysy Djýd Bellıngem men Marokko fýtbolshysy Aıýb Býaddı keledi — olardyń baǵasy 30 mıllıon eýrodan artqan.
Eske sala keteıik, 2026 jylǵy fýtboldan álem chempıony atanǵan — Ispanııa quramasy. Fınalda ıspanııalyqtar Argentına quramasyn jeńdi. Kezdesýdiń negizgi ýaqyty 0:0 esebimen aıaqtalyp, qosymsha ýaqyttyń ekinshi bóliginde «Barselona» klýbynyń 26 jastaǵy shabýylshysy Ferran Torres jeńis golyn soqty.
Aıta keteıik, Ispanııanyń fýtboldan ulttyq quramasy bıylǵy álem chempıonatyndaǵy jeńisi úshin alǵan syıaqysynan shamamen 15 mln AQSh dollary kóleminde salyq tóleıtin boldy.
