«ıAlla» mýzykalyq ansambliniń álemdik týrnesi Qazaqstannan bastalady

ASTANA. KAZINFORM — Ózbekstannyń, Qazaqstannyń jáne TMD-nyń taǵy bes eliniń Halyq ártisi, «ıAlla» tobynyń kórkemdik jetekshisi Farrýh Zakırov ansambldiń jańa álemdik týrnesi Qazaqstannan bastalatynyn aıtty. Bul týraly ol Jibek Joly telearnasyna bergen eksklıýzıvti suhbatynda málimdedi.

Ánshiniń aıtýynsha, Qazaqstan ansambldiń shyǵarmashylyq bıografııasynda erekshe oryn alady. «ıAlla» tobynyń alǵashqy iri gastrolderi dál osynda — Almatyda ótken.

— Biz árdaıym qazaqstandyqtardyń erekshe yqylasyn sezindik. Bizdi izgi halyqtyq dástúrler, ortaq rýhanı qundylyqtar biriktiredi. Biz kórshimiz jáne baýyrlarmyz, — dep atap ótti mýzykant.

Sonymen qatar Zakırov Tashkentte Qazaqstan men Ózbekstan prezıdentteriniń kezdesýine qatysady. Ánshi bul kezdesýden elder arasyndaǵy mádenı baılanystardy nyǵaıtý, mádenıet kúnderin ótkizý, ózara gastrolder uıymdastyrý jáne birlesken shyǵarmashylyq jobalardy júzege asyrýdy kútetinin aıtty.

Kelesi jyly «ıAlla» ansambline 55 jyl tolady. ıÝbıleılik álemdik týrne Qazaqstannan bastalady: kontsertter Almaty, Astana, Qaraǵandy jáne Shymkent qalalarynda ótedi dep josparlanǵan.

Buǵan deıin saıasattanýshy Ravshan Nazarov qazaq-ózbek yntymaqtastyǵy yqtımal qaterlerdi birlese eńserýge qaýqarly ekenin aıtqan edi.