ıAkýttar epos arqyly tilin saqtap qaldy - Egor Borısov
ASTANA. QazAqparat - ıÝNESKO ıAkýtııada Eýrazııa halyqtarynyń eposy halyqaralyq ortalyǵyn qurý bastamasyna qoldaý bildirdi, dep habarlaıdy TASS.
Bul týraly «Olonho jerindegi álem halyqtarynyń eposy» II halyqaralyq forýmynda ıÝNESKO-nyń bas dırektory Irına Bokova aıtty.
«ıAkýtııaǵa Eýrazııa halyqtarynyń eposy ortalyǵyn quryp, halyqaralyq deńgeıge shyǵatyn mezgil jetti. Biz bul bastamany qoldaımyz jáne osy arqyly sizder eýrazııa keńistiginde ómir súretin halyqtardyń epostarynyń saqtalýyna múmkindik jasaıtyn bolasyzdar», - dedi I. Bokova.
Jalpy atalǵan ortalyqty qurý ıdeıasyn Saha-ıAkýtııa respýblıkasynyń basshysy Egor Borısov aıtqan. «Halyq óziniń tól jazýynyń bolmaýyna qaramastan, Olonho eposynyń arqasynda ulttyq tilin saqtap qala aldy. Sondyqtan da Eýrazııa halyqtarynyń eposy ortalyǵy osy baǵyttarda jumystardy júrgize beredi jáne epostyń basqa álemdik mádenıetpen odan ári yqpaldasýyna múmkindikter jasaıdy», - dedi E. Borısov.
Aıta keteıik, halyqaralyq ortalyqty qurý jobasy 2020 jylǵa qaraı aıaqtalmaq. Onyń jalpy quny 6 mlrd rýblge eseptelgen. Qazirdiń ózinde kórsetilgen qarajat mádenıetti damytý memlekettik baǵdarlamasy jelisi boıynsha respýblıkalyq bıýdjetten bólingen.
