ıAkýtskiniń áýejaıynda An-24 ushaǵy apatqa ushyrady
ASTANA. Aqpannyń 4-i. QazAqparat - ıAkýtskiniń áýejaıynda beısenbi kúni tańerteń ushý kezinde An-24 jolaýshylar ushaǵy apatqa ushyrady,
dep habarlaıdy QazAqparat «Interfaks» saıtyna silteme jasap.
«ıAkýtııa» avıakompanııasyna qarasty ushaq jerden kóterilý úshin qatty jyldamdyqpen júrip bara jatqan kezinde shassıiniń tiregi ózdiginen jınalǵan jáne ol fıýzelıajimen baýyrlaı qulaǵan. Apat jergilikti ýaqyt boıynsha saǵat 07:30-da oryn alǵan. Ushaq ıAkýtsk-Olekmınsk reısin oryndaǵan. An-24 jolaýshylary men ekıpaj músheleriniń eshqaısysy da zardap shekken joq.
