ıAkýtııada Tımýr Bekmambetovtyń fantastıkalyq fılmi úshin qar aıdaharyn soǵý jumystary bastaldy
ASTANA. QazAqparat - ıAkýtııada Tımýr Bekmambetovtyń «Ol - aıdahar» atty fantastıkalyq fılminde túsirýge arnalǵan qar aıdaharyn soǵý jumystary bastalyp ketti. Ol úshin ıAkýtsk qalasyna arnaıy tanymal aǵylshyn snoý-art sýretshisi Saımon Bek ushyp keldi. Buǵan deıin ol Reseıde qar sýretterin eshqashan jasaýǵa atsalyspaǵan edi.
«Aýa raıy tamasha, qar jaqsy taptalyp jatyr, úsh kúnde aıdahardyń beınesin jasaı alamyn. Sońǵy kúni onyń basyn jasaımyn», - dedi ol.
Qar kartınasynyń jalpy aýdany segiz myńnan astam sharshy metrdi quraıdy. «Sýret pishini uzynsha kelgen bolady: eni - 70 metr, uzyndyǵy - 120 metr bolmaq», - dep túsindirdi «Bazelevs» kınokompanııasynyń ókilderi.
Kartınany túsirý jáne qurý orny retinde Ysyah - Ýs Hatyn ulttyq merekesin ótkizý alańy tańdaldy. Fılm prokatqa 3 jeltoqsanda shyǵarylady.
Fılmdi túsirý jumystary 2014 jyldyń jazynda Bolgarııada bastalǵan. Bir jyldyń ishinde Máskeýde pavılondyq túsirilimder júrgizilgen. Bul kınolenta aıdaharǵa aınalyp, boıjetkendi alyp qashqan, sodan keıin oǵan ǵashyq bolǵan jigit týraly baıandaıdy.
57 jastaǵy Saımon Bek qardaǵy alǵashqy órnegin 2004 jyly qurǵan. Ol búkil álemdi saıahattap, geometrııalyq kúrdeli órnekter qurady. Olardyń eń irisi 11 fýtbol alańynyń aýmaǵyna tarady. «Men onymen kezinde aıaǵymdy jaraqattap, ózime jattyǵýlar kerek bolǵan soń aınalysa bastadym. Qar taptap, oǵan órnek salý men úshin ońaltýdyń eń aýyrmaıtyn ádisi bolyp kóringen. Bul isim birtindep tolyqqandy jumysqa aınalyp ketti», - dep moıyndaıdy sýretshi.
