ıAkýtııada Tımýr Bekmambetovtiń «Ol - aıdahar» atty jańa fılminiń túsirilimi aıaqtaldy (FOTO)
ASTANA. QazAqparat - ıAkýtııada Tımýr Bekmambetovtiń jańa «Ol - aıdahar» atty fentezı janryndaǵy fılminiń túsirilimi aıaqtaldy. Fılm prokatqa 3 jeltoqsanda shyǵarylmaq. RF-da túsirilimder júrgizý úshin arnaıy shaqyrtylǵan aǵylshyn sýretshisi 8 myń sharshy metr aýmaqta qar aıdaharyn soqty.
«Túsirilim jumystary resmı túrde aıaqtaldy dep aıtýǵa bolady. Fılmniń montajdalyp, ekranǵa shyǵýy jeltoqsan aıyna josparlanyp qoısa da, biz ıAkýtııaǵa fılmniń bastapqy kadryn jasaý úshin keldik. Bul kadrda aıdahardy shaqyrý rásimi kórsetiledi. Túsirilimge aıdahardy shaqyrý rásimin «ótkizgen» ıAkýtııanyń úsh akteri qatysqan», - dep baıandady TASS tilshisine «Bazelevs» kınokompanııasynyń baspasóz hatshysy Pavel Gaıkov.
Onyń aıtýynsha, qar aıdaharynyń sýretin jasaý úshin Reseıge aǵylshyn sýretshisi, snoý-art baǵytynyń negizin salýshy Saımon Bek keldi.
Jalpy aýdany segiz myńnan astam sharshy metrdi quraǵan qar kartınasy úsh kúnde jasaldy. Bek úsh túrli sýret jasady, al iri planda túsirý úshin aıdahardyń alyp basyn bólek beınelegen.
6-7 saǵatqa sozylǵan túsirilim úshin ıakýttardyń Aıyy - Ýs Hatyn joǵary kúshterge tabynatyn orny tańdaldy. Fılm jumystary bastalmas buryn halyq dástúri boıynsha saha halqynyń baqsysy tań sáride alǵys - rýhtarmen sóılesý rásimin ótkizdi.
«ıAkýtsk qalasynda aıdahar sýreti jasalǵan jáne túsirilim júrgizilgen barlyq kúnderi aýa raıy tamasha boldy. Bizge Qudaıdyń ózi kómektesken bolar», - dedi «Bazelevs» túsirý tobynyń ókilderi.
Fılmdi túsirý jumystary 2014 jazynda Bolgarııada bastalǵan. Bir jyldyń ishinde Máskeýde pavılondyq túsirilimder júrgizilgen. Bul kınolenta aıdaharǵa aınalyp, boıjetkendi alyp qashqan, sodan keıin oǵan ǵashyq bolǵan jigit týraly baıandaıdy. Fılm prokatqa 3 jeltoqsanda shyǵarylmaq, Máskeýde premerasy 24 qarashada ótedi.
