ıAkýtııada qulap bara jatqan asteroıd vıdeoǵa túsip qaldy

ASTANA. KAZINFORM — ıAkýtııadaǵy Lensk qalasynyń turǵyndary birneshe sekýndqa sozylǵan asteroıd jarqylyn vıdeoǵa túsirip alǵan.

Vıdeo TASS agenttiginiń telegram-arnasynda jarııalandy.

Asteroıd kókte kenetten paıda bolǵan. Onyń kózden joǵalǵany kóringenindeı jyldam boldy. Asteroıd atmosferada janyp ketken. Onyń qaldyqtarynyń qaıda túskeni belgisiz.

Astronom Vladımır Sýrdınniń aıtýynsha, meteorıttiń mólsheri shamamen bir metr, albedosy (sáýleni shaǵyldyrý qabileti) — 10%.

Asteroıd týraly aldyn ala habarlanǵan. Sol kezde mamandar jerge eshqandaı qaýip joq ekenin eskertken.

Eske salsaq, osyǵan deıin Qytaı «Tıanven-3» mıssııasy aıasynda Mars topyraǵynyń úlgilerin alyp, olardy shamamen 2031 jyly Jerge qaıtarýǵa nıetti ekendigi habarlanǵan.