ıAkýtııada 165 orman órti sóndirilip jatyr

ıAKÝTSK. TASS-QazAqparat – ıAkýtııada orman órtterin sóndiretin órt sóndirý toby men eriktiler 980 adamǵa kóbeıtildi. Bul týraly dúısenbi kúni jýrnalısterge Ekologııa, tabıǵat resýrstaryn paıdalaný jáne orman sharýashylyǵy mınıstriniń orynbasary Andreı Konoplev málimdedi, dep habarlaıdy QazAqparat TASS agenttigine silteme jasap.

«Órtti sóndirý úshin 980 adam jumys istep jatyr. 150-den astam jergilikti turǵyn tartyldy, qalǵany – kásibı órt sóndirýshiler. Óńiraralyq árekettesý aıasynda Býrıatııa, Zabaıkale aımaǵy men eldiń basqa da nysandarynan 218 parashıýtshi men desantshy tartyldy», - dep habarlady Konoplev.

Ol jaqynda ıAkýtııanyń Ýst-Maı aýdanyna buǵan deıin Magadan oblysyndaǵy órtti sóndirip jatqan 50 órt sóndirýshi kelgenin atap ótti.

Sondaı-aq 45 tehnıka men avıatsııa jumyldyryldy. Respýblıka basshysy Aısena Nıkolaevnanyń ótinishimen ıAkýtııaǵa Reseı TJM-niń Mı-8MTV eki tikushaǵy keldi.

«10 shilde tańerteńgi aqparat boıynsha, 318 511,5 ga aýmaqta 165 orman órti bolyp jatyr. 826,5 ga jerdi sharpyǵan 5 órt sóndirildi. Eldimekender men ekonomıka nysandaryna qaýip tónip turǵan joq», - dep naqtylady Konoplev. Sonymen qatar ol ıAkýtııada TJ rejımi jarııalanǵanyn atap ótti.

Jalpy órt qaýpi maýsymy bastalǵaly respýblıkada 367 872,8 ga aýmaqty 361 orman órti sharpydy. 2022 jyldyń osy mezgilinde 153 841,1 ga aýmaqqa taraǵan 329 órt tirkelgen bolatyn.