ıAkýt qyzy almatylyqtarǵa shańqobyzdy 5 kúnde úıretpek
ALMATY. QazAqparat - Adam mýzykalyq aspapta oınaýdy 5 kúnde úırenip kete alady. ıAkýt mýzykanty ıÝlııana Krıvoshapkına Almatyda ótkizip jatqan sheberlik sabaǵynda shańqobyzdyń ereksheligi týraly aıtyp berdi, dep habarlaıdy QazAqparat tilshisi.
Álemge áıgili mýzykant ıÝlııa Krıvoshapkına Almatyǵa keldi. Ol ár elde homýs, komýz, doromb, parmýppıl dep atalytyn shańqobyz aspabynda oınaýdy almatylyqtarǵa úıretip jatyr.
Ǵalymdar osy kóne aspaptyń tarıhyna kelgende áli bir tujyrymǵa kele almaı jatyr. Bul aspap qaı elde shyqqany belgisiz. Bul aspaptyń túrli halyqta myńdaǵan ataýy bar.
Shańqobyzdy jaqsy meńgergenderdiń biri - ıakýttar. Shyǵys Sibir halqynyń oınaý tehnıkasy erekshe.
Etnomýzyka keshteriniń juldyzy, halyqaralyq baıqaýlardyń laýreaty ıÝlııana Krıvoshapkına óziniń homýsymen jarty álemdi sharlap, Sibir mýzykasyn tanystyryp shyqqan.
Ol homýstiń súıemeldeýimen osýohaı, toıýk, degerendi folklorlyq motıvte oınaı alady.
Onyń aıtýynsha, kez-kelgen adamǵa shańqobyzda oınaýdy 5 kúnde úıretýge bolady.
«Eń bastysy adamnyń yntasy bolsa boldy. Onyń mýzykany sezinýi qaı dárejede? Yrǵaq sezimi damyǵan ba? Sony baqylap alǵan soń ol adamǵa úırete bastaý kerek. Bul ǵajaıyp aspapty kez-kelgen adam tez meńgerip kete alady. Adam kúnde jattyqsa, 5-10 kúnnen soń-aq shańqobyzda saz oınaı alady. Keıbir adamdar úshin oǵan birneshe jyl kerek. Men 7 jasyman bastap uırendim. Ustazym Aıahan tobynyń negizin qalaýshy Álbına Degtıareva», - dedi ıÝ.Krıvoshapkına.
Qazir ıÝlııana Almatyda 11 adamǵa shańqobyzda (homýs) oınaýdy úıretip jatyr. Olardyń ishinde 4 adam ǵana kásibı mýzykant bolsa, qalǵandardy áýesqoılar.
