ıAhta, jeke ushaq – baılar úshin salyq mólsheri arta ma

ASTANA. KAZINFORM – Ulttyq ekonomıka mınıstrligi jańa Salyq kodeksi boıynsha konsýltatıvtik qujatty jarııalady. Qujat Ashyq NQA saıtynda jarııalandy.

Talqylaýǵa ekonomıkanyń ártúrli salalarynda saralanǵan salyq stavkalaryna kóshý máselesi, progressıvti salyq salýdy engizýdi jedeldetý, arnaýly salyq rejımderin reformalaý, salyq jeńildikteriniń kólemin retke keltirý jáne qysqartý (20%-dan kem emes), memlekettik kirister organdary men salyq tóleýshiler arasyndaǵy ózara is-qımyldyń servıstik modeline kóshýdi qamtamasyz etý, salyq ákimshiligin jańartý, salyq eseptiligi nysandaryn 30%-ǵa qysqarta otyryp, salyq baqylaýyn tolyq tsıfrlandyrý, tehnologııalyq jańǵyrtýǵa jáne ǵylymı damytýǵa baǵyttalǵan paıdaǵa korporatıvti tabys salyǵyn tómendetý nemese bosatý mehanızmin engizý shyǵarylǵan.

Sondaı-aq, salyq jáne bıýdjetke tólenetin basqa da mindetti tólemder túrleriniń jalpy sanynan keminde 20%-ǵa qysqartý, jańa óndiristik jobalardy iske asyrýdyń alǵashqy úsh jylynda sheteldik jáne otandyq ınvestorlardy salyqtardan jáne bıýdjetke tólenetin basqa da mindetti tólemderden bosatý, QQS qaıtarý rásimin jeńildetý talqylanady.

Bul rette, aýyl sharýashylyǵy maqsatyndaǵy jerlerdi tıimdi paıdalaný maqsatynda keminde 500 teńge/ga salyqty engizý usynylǵan.

Túzetýler sándi taýarlarǵa salyqty arttyrýǵa baǵyttalǵanyn atap ótken jón.

Osylaısha, jeke tulǵanyń ıeligindegi barlyq nysandardyń jalpy quny 130 myń AEK (2024 jyly 479 960 000 teńge) sheginen asatyn bolsa, mólsherlemelerdi arttyrý usynylyp otyr.

Belgili bolǵandaı, adamdardyń shekteýli toby ıahtalar men jeke ushaqtarǵa ıe. Máselen, jeke tulǵalardyń menshiginde 490 ıahta bar. ıAhtalarǵa salynatyn salyqtyń eń joǵary mólsheri shamamen 190 myń teńgeni (55 AEK) quraıdy. Osy rette, tarıfterdi birneshe ese arttyrý usynylyp otyr. Salyq mólsherlemesin anyqtaý úshin ıahtalardyń uzyndyǵyn Eýropa elderindegi ádispen retteýge bolady (5 metrden assa sán-saltanaty kelisken ıahta bolyp sanalady).

Mysaly, Grekııada ashyq ıahtalar úshin salyq mólsheri jylyna 780 eýrodan (383 myń teńge) 2 340 eýroǵa (1 149 myń teńge) deıin aýytqıdy. Al ıahta 12 metrden joǵary bolsa, sáıkesinshe, salyq somasy da arta túsedi.

Aıtpaqshy, alkogoldik ishimdikter men sıgaralardyń qymbat túrlerine aktsız salý usynylýda.