Yahoo Sports G.Golovkındi jyl boksshysy dep tanydy
ASTANA. QazAqparat - Qazaqstandyq boksshy Gennadıı Golovkın Yahoo Sports-tyń nusqasy boıynsha "Jyl boksshysy" (2014) bolyp tanyldy. Bul týraly Vkontakte áleýmettik jelisindegi GGG tobynyń paraqshasynda habarlandy.
Aıta keteıik, bunyń aldynda ony World Boxing News amerıkandyq portalynyń oqyrmandary úzdik dep tanyǵan bolatyn. WBA/IBF/WBC Interim nusqalary boıynsha orta salmaqtaǵy áıgili chempıon, qazaqstandyq boksshy Gennadıı Golovkınge 4 myńnan astam adamnyń 75%-y daýys bergen edi. Al WBA/WBO/IBF/IBO nusqalary boıynsha asa aýyr salmaqtaǵy chempıon Vladımır Klıchko jalpy daýystar sanynyń 10%-yn jıyp, ekinshi orynǵa ıe boldy. WBO nusqasy boıynsha jartylaı orta salmaqtaǵy chempıon Mennı Pakıao 4% daýyspen úzdikter úshtigin tuıyqtaǵan.
Sondaı-aq Golovkınniń Polshada «Jyl boksshysy» atanǵanyn da aıta ketken jón.
