Yahoo óziniń basybaıly YouTube jelisin shyǵarady
ASTANA. QazAqparat - Yahoo óziniń basybaıly YouTube vıdeoqyzmetin jasap jatyr. Jańa qyzmet aldaǵy birneshe aıdyń ishinde iske qosylady. Qazir kompanııa Google saıtyna tıesili jetekshi kontent jasaýshylardy ózine tartyp, olardy jańa jobada aqshany kóp tabatynyna sendirýde, dep jazady Vesti.ru.
Belgili bolǵandaı, Yahoo tasymaldaýshylarǵa vıdeorolıkterdi keńinen taratyp, onyń ishinde basqy betke ornatyp ónimderin jarnamalaýǵa múmkindik beretinin aıtyp otyr. Aıtýlarynsha, Google-de mundaı múmkindik joq. Bul jerde áńgime YouTube jelisin almastyrý týraly emes, ár mınýt saıyn kontentke joǵary sapaly ári kásibı beınejazbalardy júkteý arqyly Yahoo servısiniń tanymaldylyǵyn arttyrý týraly bolyp otyr.
YouTube-tiń balamaly túrin shyǵarý ıdeıasyn Google kompanııasynda 13 jyl jumys istep, 2012 jyldan beri Yahoo kompanııasyn basqaryp otyrǵan Marıssa Maıer usyndy. Buǵan deıin ol Dailymotion vıdeoservısin satyp almaq bolǵan, alaıda kelisim Frantsııa bıligi aralasqannan keıin bolmaı qalǵan edi. Sondaı-aq atalmysh kompanııa avmınıkalyq Hulu onlaın-kınoteatryn satyp almaq degen sybys taraǵan bolatyn. Osy oraıda, Yahoo kompanııasynyń tabysy kóp emestigin aıta ketken jón. Sebebi 2013 jyly ınternet-kontsernniń taza tabysy 1,37 mlrd. dollardy qurap, 2012 jylǵa qaraǵanda túsimniń 65 paıyzǵa az bolǵanyn kórsetti.
