«ıAgýar lend rover» AQSh-tan aqaýly 100 myńnan astam kóligin qaıtarmaqshy
ASTANA. QazAqparat - Brıtanııanyń Jaguar Land Rover kólik shyǵarý kontserni senbi kúni AQSh naryǵynan birqatar aqaýlary anyqtalǵan 104 myń kóligin qaıtaryp alatynyn týraly jarııalady.
Servıstik aktsııa 2006-2012 jyldary shyǵarylǵan 75 myńǵa jýyq jol talǵamaıtyn kólikke qatysty. Bul kólikterdiń tejegish suıyqtyǵynyń aǵyp ketý qaýpi bar. Bul kúrdeli problema bolyp tabylady, sebebi suıyqtyqtyń jetispeýi tejegish júıesiniń tolyq isten shyǵaýyna ákelip soqtyra alady, dep habarlaıdy TASS.
Budan basqa, dál osyndaı aqaý saldarynan 2013, 2014 jyldary shyǵarylǵan 25 myńǵa jýyq Range Rover jáne Range Rover Sport kólikteri qaıtarylmaqshy. 2012-2015 jyldary shyǵarylǵan taǵy 5 myńǵa jýyq Jaguar XK kólikterinde burý belgisin bildiretin shyraqtyń aqaýy anyqtaldy.
Kontsern qaıtarylatyn barlyq kólikterdiń anyqtalǵan aqaýlaryn tegin jóndep beredi.
