«ıAdrolyq tehnologııa parki» AQ basshylyǵy utqyr tehnologııa keshenin qurýdyń ornyna bıýdjet qarajatyn urlaǵan
ASTANA. 6 maýsym. QazAqparat - «ıAdrolyq tehnologııa parki» AQ-nyń basshylyq qyzmetkerleri bıýdjet qarajatyn urlaǵany anyqtaldy.
Búgin QR Parlamenti Májilisiniń jalpy otyrysynda 2011 jylǵy respýblıkalyq bıýdjettiń atqarylýy týraly Úkimet esebin talqylaý barysynda Esep komıtetiniń tóraǵasy Omarhan Óksikbaev osylaı málim etti.
Komıtet tóraǵasynyń aıtýynsha, qarjy aktıvterin satyp alýǵa bıýdjet qarajatyn oılanbastan bólý máselesi áli kúnge deıin oryn alyp keledi. Bul qarajat alýshylardyń olardy paıdalaný kezinde qarjy tártibin buzýǵa jaǵdaı jasaıdy.
«Máselen, «ıAdrolyq tehnologııa parkiniń» ınfraqurylym nysandaryn salýǵa jáne qaıta jańartýǵa 1,4 mlrd. teńge bólingen. Esepti kezeńde osy aktsıonerlik qoǵam qarajattyń tek 387 mln. teńgesin ǵana, ıaǵnı qarjynyń 28 paıyzyn ǵana ıgergen. Al ıgerilmegen qarajattyń edáýir bóligi ekinshi deńgeıli bankterdiń depozıtterinde jatyr. Al bir bóligi, naqtyraq aıtsaq 50 mln. teńgesi parktiń basshy qyzmetkerleri tarapynan urlanǵany anyqtaldy»,- deıdi O. Óksikbaev.
Onyń aıtýynsha, atalǵan jaǵdaıdyń saldarynan utqyr tehnologııa kesheni qurylmaǵan, ınjenerlik-kommýnıkatsııa jáne kirme joldar salý sharalary iske asqan joq.
