«ıAdrolyq tajalǵa qarsy qozǵalystyń kóshbasshysy» - respýblıkalyq basylymdarǵa sholý

***
«Alash aınasy» gazetiniń jazýynsha, keshe Osh qalasynda óz jaqtaýshylary aldynda sóz sóılemek bolǵan Qyrǵyzstan Prezıdenti Qurmanbek Bakıevtiń oıǵa alǵany iske aspapty. Jergilikti drama teatrynyń aldyna jınalǵan jurt prezıdenttiń jaqtastaryna qarsylyq bildirip, munyń arty taǵy bir úlken qaqtyǵysqa ulasa jazdaǵan. «Bul jaǵdaıda Qazaqstannyń EQYU tóraǵasy retinde saıası turaqsyzdyqty retteýdi óz moınyna alýyna týra keldi. AQSh jáne Reseı basshylarymen keńese otyryp, resmı Astana keshe Jalal-Abadqa arnaıy ushaq jiberip, Bakıevti týǵan-týystarymen Qazaqstanǵa jetkizdi», dep jazady basylym. Baýyrlas qyrǵyz elindegi sońǵy oqıǵalar tóńireginde basylymda jaryq kórgen «Bakıevti Qazaqstanǵa ákelý - Qyrǵyzstanda azamat soǵysyn boldyrmaýdyń jalǵyz amaly» degen maqaladan egjeı-tegjeıli maǵlumat alasyzdar.

«Arysy ata-babamyz arman etken Táýelsizdigimizdiń, berisi arý qalamyz Almatynyń sımvolyna aınalǵan ilbis joıylýdyń az-aq aldyda turǵan syńaıly», dep dabyl qaǵady «Alash aınasy» gazeti. Derek kózderi asa baǵaly teńbil terisine bola tuqymy tuzdaı quryp bara jatqan osy bir túz taǵysynyń elimizde 100-120-sy ǵana qalǵanyn alǵa tartady. Osylaısha qulqyn qulyna aınalǵandardyń kesirinen ilbiske túp-tuqııanymen joıylyp ketken Turan jolbarystarynyń taǵdyryn qushý qaýipi tónip tur.

Aqsý aýdanyndaǵy sý basqan eldi mekenderdiń otbasynan shyqqan stýdentterge de apat ońaı tıgen joq. Ásirese elmizdegi joǵary oqý oryndarynyń aqyly bóliminde oqıtyn stýdentterdiń jaǵdaılary oılantarlyq. «Alash aınasy» gazetiniń habarlaýynsha, osy máselege baılanysty Almaty oblysynyń ákimdigi QR Bilim mınıstrligimen jáne JOO basshylarymen kelisim júrgizgen. Sonyń nátıjesinde, tasqyn shaıyp ketken aýyl stýdentterine oqý aqysyn tóleý jyl sońyna deıin shegeriletin bolypty.

***

Memleket basshysy Nursultan Nazarbaevtyń Vashıngtonda ótken ıAdrolyq qaýipsizdiń jónindegi jahanyq sammıtke qatysyp kelýine oraı «Aıqyn» gazetiniń juma kúngi nómirinde birqatar elimizdiń jáne sheteldiń kórnekti qoǵam qaıratkerleriniń pikirleri berilgen.

Máselen QR Parlamenti Senatynyń Tóraǵasy Qasym-Jomart Toqaev osy basylymda jaryq kórgen maqalasyna «ıAdrolyq tajalǵa qarsy qozǵalystyń kóshbasshysy» degen taqyryp berip, «ıAdrolyq qaýipsizdik jónindegi jahandyq sammıtke Prezıdent N.Nazarbaev dál osyndaı tulǵa retinde qatysty. B.Obama men basqa da álemdik lıderler tarapynan Elbasymyzǵa kórsetilgen aıryqsha qurmet qazirgi zamanǵy halyqaralyq qatynastarda da, bizdiń memleketimizdiń tarıhynda da erekshe oqıǵa bolyp otyr», deıdi. Al EQYU-nyń bas hatshysy Mark Peren de Brıshambo «Qazaqstan Prezıdenti Ortalyq Azııada turaqtylyq ornatýda asa mańyzdy rólge ıe jáne jahandyq qaýipsizdikti nyǵaıtý isine aıryqsha úles qosty», degen pikirin bildirgen. Budan da basqa Elbasy atyna aıtylǵan izgi oı-pikirlerdi basylymnyń juma kúngi nómirinen oqı alasyzdar.

«Sheshenstandaǵy lıtseıge Elbasynyń esimi berildi». «Aıqyn» gazetiniń jazýynsha, Groznyı qalasyndaǵy №1 lıtseıge Sheshenstan prezıdenti Ramzan Qadyrovtyń Jarlyǵymen Qazaqstan Prezıdenti Nursultan Nazarbaevtyń esimi berilgen. Saltanatty sharaǵa qatysqan sol eldiń basshysy R.Qadyrov «Bizdiń elimiz qıyn da kúrdeli kezeńdi basynan ótkerip jatqan shaqta Nursultan Nazarbaev Sheshenstan Respýblıkasyna alǵashqylardyń biri bolyp qol ushyn berip, aǵalyq qamqorlyq kórsetti. Groznyı qalasy tas-talqan bop qırap qalǵan sol bir shaqta Nazarbaevtyń uıǵarymymen bizdiń elge bólingen qarjyǵa kópqabatty turǵyn úı salyndy. Mundaı azamattyq kómekti sheshen halqy eshqashan umytpaıdy», depti.

***

«Egemen Qazaqstan» gazetiniń juma kúngi nómirinde «Beıbitshilik kóshbasshysy» degen taqyryppen kólemdi maqala jarııalandy. baylymnyń jazýynsha, jahandyq qaýipsizdik máselelerine arnalǵan sammıt barysynda Qazaqstannyń jasampaz mıssııasyn halyqaralyq qaýymdastyq moıyndady, Elbasyna Beıbitshilik jáne aldyn alý dıplomatııasy syılyǵy tabys etildi. Elimizdiń Tuńǵysh Prezıdenti Nursultan Nazarbaev sheteldik osy sapardan úlken abyroımen oraldy. Halyqaralyq arenadaǵy Qazaqstan bedelin asqaqtatyp qaıtty. Eger Qazaqstannyń táýelsizdik alǵannan beri kóp qyrly beıbitsúıgish syrtqy saıasaty turǵysynan áńgime qozǵaıtyn bolsaq, ata-babamyzdyń san ǵasyrlyq ańsaǵan armanyndaı kógildir túske bólengen kók baıraǵymyz Soltústik jarty shardyń alyp memleketterine jelkildep baryp, jelbirep qaıtty dep jasqanbaı aıtýǵa bolady. «Jahandyq qaýipsizdik máselesine arnalǵan sammıttiń birinshi sessııasynda Elbasyna alǵashqylar qatarynda sóz bergen tusta AQSh Prezıdenti Barak Obamanyń ózi Qazaqstandy ıadrolyq qarýsyzdaný jónindegi álemdegi kóshbasshy el dep atap, Elbasynyń osy saladaǵy jáne memleket basqarýdaǵy qyzmetin joǵary baǵalady. Árıne, alyp eldiń basshysy mundaı baǵany bekerden-beker bermegendigi túsinikti», dep jazady basylym.

Elbasynyń AQSh-qa sapary jaıynda «Kazahstanskaıa pravda», «Izvestııa-Kazahstan», «Lıter» basylymdarynan da egjeı-tegjeıli oqýǵa bolady.

Sondaı-aq «Egemen Qazaqstan» gazetinde osy alqaly jıyn arqaý bolǵan taǵy bir kólemdi maqala «Ol eldiń aty - Qazaqstan, ol erdiń aty - Nursultan» degen taqyryppen jaryq kórdi.

«Keshe Premer-Mınıstr Kárim Másimov birqatar kezdesýler ótkizdi», dep jazady «Egemen Qazaqstan» gazeti. Kelissózder barysynda ekijaqty saýda-ekonomıkalyq yntymaqtastyqty odan ári óristetý perspektıvalary talqylandy. «Premer-Mınıstr el Prezıdenti Nursultan Nazarbaev bekitken Qazaqstandy jedeldete ındýstrııalyq-ınnovatsııalyq damytý memlekettik baǵdarlamasyn júzege asyrý, sondaı-aq jumysyn bastaǵan Keden odaǵy naryǵynyń keńeıýi qazaqstan-ızraıl saýda ekonomıkalyq jáne ınvestıtsııalyq ózara is-qımylynyń áleýetin eleýli arttyratynyn atap kórsetti, dep jazady basylym. Sondaı-aq osy kúni Úkimet basshysy Túrik Respýlıkasynyń memlekettik mınıstri Zafer Chaglaıanmen, Frantsýz Respýblıkasy Parlamentiniń Senaty janyndaǵy qarjy komıtetiniń tóraǵasy Jan Artıýs bastaǵan frantsýz parlamenttik delegatsııasymen kezdesý ótkizgen.

Keshe, sáýirdiń 15-inde EQYU-nyń Іs basyndaǵy tóraǵasy, Qazaqstan Respýblıkasynyń Memlekettik hatshysy - Syrtqy ister mınıstri Qanat Saýdabaev Bakıevtiń Qyrǵyzstannan ketkendigi týraly málimdeme jasaǵan. «Egemen Qazaqstan» gazetiniń búgingi sanynda jarııalanǵan málimdemede: «Búgin, 15 sáýirde Qazaqstan Respýblıkasynyń Prezıdenti Nursultan Nazarbaevtyń, AQSh Prezıdenti Barak Obama men Reseı Federatsııasynyń Prezıdenti Dmıtrıı Medvedevtiń birlesken kúsh-jigeri, sondaı-aq EQYU, BUU jáne EO-nyń belsendi araaǵaıyndyǵy nátıjesinde Qyrǵyz Respýblıkasynyń Ýaqytsha úkimetimen jáne Prezıdent Q.S.Bakıevpen sońǵysynyń elden ketýi týraly ýaǵdalastyqqa qol jetkizildi. Qazirgi kezde Q.S.Bakıev Qyrǵyzstan aýmaǵyn tastap shyqty. Bul eldegi ahýaldy retteý jáne onyń quqyqtyq arnaǵa oralýy azamat soǵysyna oryn bermeý jolyndaǵy mańyzdy qadam boldy. Qyrǵyzstandaǵy búkil halyqtyń múddesi jolynda biz eldiń barsha saıası kúshterin tezdetip turaqtylyqty qamtamasyz etýge, qoǵamdyq tártip pen zań ústemdigin qalpyna keltirýge, barynsha ótkir áleýmettik-ekonomıkalyq problemalardy sheshýge shaqyramyz», delingen.

***
«Kelesi aptada Koreıa Prezıdenti Lı Men Baktiń shaqyrýy boıynsha Memleket basshysy Nursultan Nazarbaev Koreıa Respýblıkasyna memlekettik sapar jasaıdy. Kelissózder barysynda eki el arasyndaǵy strategııalyq áriptestiktiń qazirgi jaǵdaıy men bolshaǵyn talqylaý josparlanǵan», dep jazady «Kazahstanskaıa pravda» gazeti.

N.Nazarbaev sapardyń alǵashqy kúni Qazaqstannyń Koreıadaǵy jylynyń ashylý saltanatyna qatysady. Sondaı-aq sapar barysynda Qazaqstan-Koreıa bıznes-forýmy uıymdastyrylyp, eki eldiń memlekettik organdary men kompanııalary arasynda birqatar qujattarǵa qol qoıylady dep kútilýde.