ıAdrolyq synaqtarǵa qarsy halyqaralyq kún Jenevada atap ótildi
ASTANA. QazAqparat -Jenevadaǵy Birikken Ulttar Uıymynyń bólimshesinde Halyqaralyq ıadrolyq synaqtarǵa qarsy kún jáne Semeı ıadrolyq polıgony jabylýynyń 26-jyldyǵyna arnalǵan semınar ótti, dep habarlaıdy mınıstrliktiń baspasóz qyzmeti.
Qazaqstan Respýblıkasynyń Turaqty ókildiginiń bastamasymen jáne Qarýsyzdaný jónindegi Jeneva platformasynyń qoldaýymen uıymdastyrylǵan sharaǵa halyqaralyq uıymdar men dıplomatııalyq korpýstyń basshylary, buqaralyq aqparat quraldary men akademııalyq sheńber ókilderi qatysty.
QR Turaqty Ókili, Elshi Janar Aıtjanova óz sózinde qatysýshylarǵa Qazaqstan jáne Prezıdent Nursultan Nazarbaevtyń taratpaý jáne ıadrolyq qarýsyzdaný úderisine qosqan úlesi týraly baıandap berdi. Onyń aıqyn dáleli retinde álemdegi kólemi boıynsha tórtinshi ıadrolyq arsenaldan bas tartý men Semeı ıadrolyq polıgonyn jabýdy aıtýǵa bolady.
Qazaqstandyq dıplomat elimizdiń ıadrolyq taratpaý máselesiniń keleshegin aıta kele, 2017 jylǵy 25-29 tamyzda Astanada ótken Ǵylym jáne ǵalamdyq máseleler jónindegi Pagýosh konferentsııasy 62-shi sessııasynyń ótkenin atap ótti. Qorytyndy qujat retinde Astana deklaratsııasy qabyldanǵany jetkizildi.
Birikken Ulttar Uıymy Qarýsyzdaný konferentsııasy janyndaǵy Avstrııanyń Turaqty Ókili Tomas Haınotsı óz sózinde ıadrolyq qarýsyzdaný úderisimen tanystyryp ótip, birshama jaǵymdy jetistikterge qol jetken tustardy keltirdi. Avstrııalyq dıplomat Qazaqstannyń osy saladaǵy tarıhı orny men mańyzdy bastamalaryn aıta ketti.
Sharaǵa qatysqan ıAdrolyq synaqtarǵa jan-jaqty tyıym salý týraly shart uıymynyń ókili Ronan Le Bras bul úderistiń qazirgi ahýaly týraly baıandama jasap, Sharttyń kúshine enýi boıynsha qalyptasyp otyrǵan jaǵdaıǵa qatysty óz baǵasyn berdi.
Jenevadaǵy sharaǵa arnaıy shaqyrylǵan qonaq retinde qatysqan tanymal qazaqstandyq sýretshi, ATOM jobasynyń Qurmetti elshisi Qaripbek Kúıikov elimizdiń ıadrolyq qarýsyzdaný isine qosqan úlesi jaıly jáne óz ómiriniń tarıhy men ıadrolyq qarýsyz álem úshin kúres jaıynda aıtyp ótti.
