ıAdrolyq synaqtar men jarylystar jasalǵan jerde halyqtyń ortasha ómir súrý jasy basqa aımaqtardan aıtarlyqtaı tómen - Halyq medıtsınasy ortalyǵynyń prezıdenti
ALMATY. Sáýirdiń 5-i. QazAqparat /Erlik Erjanuly/ - Dúnıejúzilik densaýlyq saqtaý uıymy taratqan málimetterge qaraǵanda, ıadrolyq synaqtar men jarylystardyń zardabyn shekkenderdiń ózge zamandastaryna qaraǵanda ortasha ómir súrý uzaqtyǵy birshama qysqa bolady.
Bul Ekinshi dúnıejúzilik soǵystan keıingi kezeńde aıqyn ańǵaryldy. «Qazaqstan Respýblıkasnyń Prezıdenti Nursultan Nazarbaevtyń ıadrolyq jarylysqa tyıym salýynyń arqasynda halyqtyń ortasha ómir súrý jasy sońǵy 20 jylda aıtarlyqtaı uzardy. Qazir elimizde ol áıelder arasynda 70, erler arasynda 65-67 jasty quraıdy. Ókinishke oraı, Dúnıejúzilik densaýlyq saqtaý uıymynyń ıadrolyq synaqtar men jarylystardyń adam densaýlǵyna áseri týraly úgit-nasıhaty áli báseń júrip jatyr», deıdi Densaýlyq saqtaý mınıstrliginiń halyq medıtsınasy jónindegi bas mamany Sháken Muqanuly Shyntaev.
Onyń aıtýynsha, ıadrolyq synaqtar men jarylystar adamnyń aǵzasyna ǵana emes, eń aldymen onyń genine áser etip, aǵzanyń ósip-órkendeýin tómendetedi. Ókinishke qaraı, halyqtyń emes óndiristiń ósimin aldyńǵy orynǵa qoıyp otyrǵan keıbir elder ıadrolyq qarýdyń taralmaýyna selqostyq tanytyp otyr. Bul másele Elbasynyń ótken aptada reseılik basylymdardyń birinde jarııalanǵan «Alyp aýqymdy álem jáne ıadrolyq qaýipsizdik» degen maqalasynda da jan-jaqty sóz boldy. Ol endi EQYU-na múshe elderdiń Astanadaǵy sammıtinde de talqyǵa túsetin bolady.
