ıAdrolyq synaq qurbandary: Almatyda Káripbek Kúıikovtiń kórmesi ashylady

ALMATY. QazAqparat – Búgin QR Á. Qasteev atyndaǵy Memlekettik óner mýzeıinde qazaqstandyq sýretshi, ıadrolyq qarýǵa qarsy halyqaralyq qozǵalystyń belsendi múshesi Káripbek Kúıikovtiń jeke kórmesi ashylady.

Ekspozıtsııaǵa avtordyń 50-ge jýyq kartınasy qoıyldy. Onda ıadrolyq synaq taqyrybyndaǵy kórinister beınelengen.

K.Kúıikov Semeı ıadrolyq polıgonynan 100 metr qashyqtyqta ornalasqan Egindibulaq aýylynda 1968 jyly dúnıege kelgen. ıAdrolyq synaq zardaptaryn óz kózimen kórgen. Týǵanynan qos qoly joq sýretshi týyndylaryn tisiniń nemese aıaqtarynyń kómegimen salady. Kúıikov «Nevada-Semeı» ıadrolyq qarýǵa qarsy qozǵalystyń negizin qalaýshylardyń biri.

Ol ATOM jobasynyń qurmetti elshisi retinde BUU jáne Qurama Shtattar Kongresi ókilderi aldynda ıadrolyq qarýǵa qarsy taqyrypta sóz sóıleý úshin túrli konferentsııalar men sharalarǵa udaıy shaqyrylyp turady.

Kórme aǵymdaǵy jyldyń 20 qazanyna deıin jalǵasady.